ಜಮ್ಮು-ಕಾಶ್ಮೀರ: ಕಾಶ್ಮೀರ ಕಣಿವೆಯಲ್ಲಿ ಈ ವರ್ಷ ಕಲ್ಲುತೂರಾಟದ ಘಟನೆಗಳು ಕಡಿಮೆಯಾಗಿವೆ ಎಂದು ಕೇಂದ್ರ ಮೀಸಲು ಪೊಲೀಸ್ ಪಡೆಯ ಡಿಜಿ ರಾಜೀವ್ ರೈ ಭಟ್ನಾಗರ್ ಹೇಳಿದ್ದಾರೆ.

ದಿ ಹಿಂದು ಈ ಬಗ್ಗೆ ವರದಿ ಪ್ರಕಟಿಸಿದ್ದು, ಕಳೆದ ವರ್ಷ ಕಲ್ಲುತೂರಾಟ ನಡೆದಿದ್ದ 1,600 ಪ್ರಕರಣಗಳು ಬೆಳಕಿಗೆ ಬಂದಿದ್ದವು. ಈ ವರ್ಷ ಅದರ ಅರ್ಧದಷ್ಟು ಪ್ರಕರಣಗಳಷ್ಟೇ ಬೆಳಕಿಗೆ ಬಂದಿದ್ದು 700 ಪ್ರಕರಣಗಳು ದಾಖಲಾಗಿವೆ, ಕೆಲವೊಂದು ದಿನ ಕಲ್ಲು ತೂರಾಟ ನಡೆಯದೇ ಇರುವ ಉದಾಹರಣೆಗಳೂ ಇವೆ ಎಂದು ರಾಜೀವ್ ರೈ ಭಟ್ನಾಗರ್ ಹೇಳಿದ್ದಾರೆ. 

ಕಲ್ಲು ತೂರಾಟ ನಡೆದಿರುವುದರಿಂದ ಯಾವುದೇ ಭಯೋತ್ಪಾದಕ ನಿಗ್ರಹ ಕಾರ್ಯಾಚರಣೆ ಸ್ಥಗಿತಗೊಂಡಿಲ್ಲ, ಪೊಲೀಸ್, ಭದ್ರತಾ ಸಿಬ್ಬಂದಿಗಳು ಸಾಕಷ್ಟು ಪ್ರತಿರೋಧವೊಡ್ಡಿದ್ದು ಗಲಭೆ ನಡೆಸಲು ಅವಕಾಶ ನೀಡಿಲ್ಲ, ಯಾವುದೇ ಹಾನಿಕಾರಕ ಶಸ್ತ್ರಾಸ್ತ್ರಗಳನ್ನು ಬಳಕೆ ಮಾಡದೇ ನಮ್ಮ ಕಾರ್ಯಾಚರಣೆಯ ವಿಧಾನವನ್ನು ಬದಲಾವಣೆ ಮಾಡಿಕೊಂಡಿದ್ದೇವೆ ಎಂದು ರಾಜೀವ್ ರೈ ತಿಳಿಸಿದ್ದಾರೆ.