ನವದೆಹಲಿ: ಭಾರತದಲ್ಲಿರುವ ಪಾಕಿಸ್ತಾನ ಹೈಕಮಿಷನರ್ ಅಬ್ದುಲ್ ಬಸಿತ್ ಅವಧಿಗೂ ಮುನ್ನವೇ ನಿವೃತ್ತರಾಗುತ್ತಿದ್ದು ನೂತನ ಹೈಕಮಿಷನರ್ ಆಗಿ ಸೊಹೈಲ್ ಮಹಮೂದ್ ನ್ನು ನೇಮಕ ಮಾಡಲಾಗಿದೆ. 

ಅಬ್ದುಲ್ ಬಸೀತ್ ಪಾಕ್ ಪ್ರಧಾನಿ ನವಾಜ್ ಷರೀಫ್ ಗೆ ರಾಜೀನಾಮೆ ನೀಡಿದ್ದು, ಪಾಕ್ ಪ್ರಧಾನಿ ಅಬ್ದುಲ್ ಬಸಿತ್ ಅವರ ರಾಜೀನಾಮೆಯನ್ನು ಅಂಗೀಕರಿಸಿದ್ದಾರೆ ಎಂದು ಮಾಧ್ಯಮಗಳು ವರದಿ ಪ್ರಕಟಿಸಿದ್ದು, ಸೊಹೈಲ್ ಮಹಮೂದ್ ನ್ನು ನೇಮಕ ಮಾಡಲಾಗಿದೆ ಎಂದು ತಿಳಿದುಬಂದಿದೆ. 

2018 ರಲ್ಲಿ ನಿವೃತ್ತರಾಗಬೇಕಿದ್ದ ಅಬ್ದುಲ್ ಬಸೀತ್ ಅವಧಿಗೂ ಮುನ್ನವೇ ನಿವೃತ್ತರಾಗುತ್ತಿದ್ದಾರೆ, ಪಾಕ್ ಮಾಧ್ಯಮಗಳ ಪ್ರಕಾರ ಅಬ್ದುಲ್ ಬಸಿತ್ ತಮಗಿಂತಲೂ ಕಿರಿಯರಾದ ತೆಹ್ಮಿನಾ ಜನುವಾ ಅವರನ್ನು ವಿದೇಶಾಂಗ ಇಲಾಖೆಯ ಕಾರ್ಯದರ್ಶಿಯನ್ನಾಗಿ ನೇಮಕ ಮಾಡಿರುವುದಕ್ಕೆ ಅಸಮಾಧಾನಗೊಂಡು ರಾಜೀನಾಮೆ ನೀಡಿದ್ದಾರೆ.