ಪಿಎಸ್ಎಲ್ ವಿ-ಸಿ38 ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಇಂದು ಬೆಳಗ್ಗೆ 9.29ಕ್ಕೆ ಉಡಾವಣೆಗೊಂಡಿತು.ಇದು ಪಿಎಸ್ಎಲ್ ವಿಯ 40ನೇ ವಾಹಕವಾಗಿದೆ.
ಉಡಾವಣೆಗೊಂಡ 16 ನಿಮಿಷಗಳ ನಂತರ ರಾಕೆಟ್ ಮುಖ್ಯ ಉಪಗ್ರಹವಾದ ಕಾರ್ಟೊಸಾಟ್-2 ಸರಣಿ ಉಪಗ್ರಹವನ್ನು ಭೂ ಕಕ್ಷೆಗೆ ಸೇರಿಸಿತು. ಕಾರ್ಟೊಸಾಟ್-2 ಸರಣಿಯಲ್ಲಿ ಇದು 6ನೇ ಉಪಗ್ರಹವಾಗಿದೆ.
ಒಂದು ನಾನೊ ಉಪಗ್ರಹವನ್ನು ತಮಿಳುನಾಡಿನ ಕನ್ಯಾಕುಮಾರಿಯಲ್ಲಿರುವ ನೂರುಲ್ ಇಸ್ಲಾಂ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳು ತಯಾರಿಸಿದ್ದಾರೆ.
ಕಳೆದ ಫೆಬ್ರವರಿ 15ರಂದು ಪಿಎಸ್ಎಲ್ ವಿ-ಸಿ37 ರಾಕೆಟ್ ಮೂಲಕ ಇಸ್ರೊ ಏಕಕಾಲಕ್ಕೆ 104 ಉಪಗ್ರಹಗಳನ್ನು ಉಡಾಯಿಸಿದ ನಂತರ ಒಂದೇ ವಾಹಕದಲ್ಲಿ ಹಲವು ಉಪಗ್ರಹಗಳನ್ನು ಉಡಾಯಿಸುತ್ತಿರುವುದು ಇದು ಎರಡನೇ ಸಲ.
ಉಪಗ್ರಹದ ಯಶಸ್ವಿ ಉಡಾವಣೆ ನಂತರ ಇಸ್ರೊ ಅಧ್ಯಕ್ಷ ಎ.ಎಸ್.ಕಿರಣ್ ಕುಮಾರ್ ವಿಜ್ಞಾನಿಗಳ ತಂಡವನ್ನು ಅಭಿನಂದಿಸಿದ್ದಾರೆ.
ಅಸಾಮಾನ್ಯ ಉಡಾವಣೆ: ಇದು ಸಾಮಾನ್ಯ ಉಡಾವಣೆಯಲ್ಲ ಎಂದು ವಿಕ್ರಂ ಸಾರಾಭಾಯಿ ಅಂತರಿಕ್ಷ ಕೇಂದ್ರದ ನಿರ್ದೇಶಕ ಕೆ.ಶಿವನ್ ಹೇಳಿದ್ದಾರೆ. ಉಪಗ್ರಹ ವಾಹಕದ ಉಡಾವಣೆಯ ನಿರ್ದೇಶಕ ಬಿ.ಜಯಕುಮಾರ್, 31 ಉಪಗ್ರಹಗಳ ಹೊರತಾಗಿ ವಾಹಕದಲ್ಲಿ ಇನ್ನೆರಡು ಪೆ ಲೋಡ್ ಗಳಿವೆ.
ಈ ಕಾರ್ಯಾಚರಣೆಯ ಯಶಸ್ಸು ಪಿಎಸ್ಎಲ್ ವಿ ಯಾವುದೇ ಕಾರ್ಯಾಚರಣೆ ಮಾಡಬಹುದು, ಎಷ್ಟು ಉಪಗ್ರಹಗಳನ್ನು ಬೇಕಾದರೂ ಹೊತ್ತೊಯ್ಯಬಹುದು ಮತ್ತು ಹಲವು ಕಕ್ಷೆಗಳಲ್ಲಿ ಪ್ರಯಾಣಿಸಬಹುದು ಎಂಬುದನ್ನು ತೋರಿಸುತ್ತದೆ ಎಂದು ಹೇಳಿದರು.
ಪ್ರಮುಖ ಅಂಶಗಳು: ಕಾರ್ಟೊಸಾಟ್-2 ಸರಣಿಯಲ್ಲಿ 6ನೆಯದಾಗಿದ್ದು ಇದಕ್ಕೆ ಆಕಾಶದ ಮೇಲೆ ಭಾರತದ ಕಣ್ಣು ಎಂದು ಹೆಸರಿಡಲಾಗಿದೆ.
ಭಾರತದಿಂದ ಒಂದೇ ಒಂದು ನ್ಯಾನೊ ಸ್ಯಾಟಲೈಟ್ ಅದು ನಿಯುಸಾಟ್, ಅದರ ತೂಕ 15 ಕಿಲೋ
ವಿದೇಶಿ ಉಪಗ್ರಹಗಳ ಸಂಖ್ಯೆ 29, ಅಮೆರಿಕಾದ್ದು 10, ತಲಾ 3 ಉಪಗ್ರಹಗಳು ಬೆಲ್ಜಿಯಂ, ಇಟಲಿ ಮತ್ತು ಇಂಗ್ಲೆಂಡ್.
ತಲಾ 1 ಸ್ಯಾಟಲೈಟ್ ಗಳು ಆಸ್ಟ್ರಿಯಾ, ಚಿಲಿ, ಝೆಕ್ ಗಣರಾಜ್ಯ, ಫಿನ್ ಲ್ಯಾಂಡ್, ಫ್ರಾನ್ಸ್, ಜರ್ಮನಿ, ಜಪಾನ್, ಲಟ್ವಿಯಾ, ಲಿಥುವೇನಿಯಾ ಮತ್ತು ಸ್ಲೊವಾಕಿಯಾ ದೇಶಗಳದ್ದು.
ಒಟ್ಟು ತೂಕ: 228 ಕಿಲೋ