ನವದೆಹಲಿ: ಬಣ್ಣದೋಕುಳಿ ಹಬ್ಬ ಹೋಳಿ ಅಂಗವಾಗಿ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ದೇಶದ ಜನತೆಗೆ ಶುಭ ಕೋರಿದ್ದಾರೆ. 

ಹೋಳಿ ಎಲ್ಲೆಡೆ ಸಂತೋಷ ಮತ್ತು ಹರುಷವನ್ನು ಪಸರಿಸಲಿ. ಎಲ್ಲರಲ್ಲಿ ಪ್ರೀತಿಯನ್ನುಂಟುಮಾಡಲಿ ಎಂದು ಶುಭಾಶಯ ತಿಳಿಸಿದ್ದಾರೆ.ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಕೂಡ ದೇಶದ ಜನತೆಗೆ ಶುಭ ಕೋರಿದ್ದು ಸಮಾಜದ ನಿರ್ಗತಿಕರಿಗೆ ಮತ್ತು ದೀನರ ಜೊತೆ ಸಂತೋಷ ಮತ್ತು ಹರ್ಷವನ್ನು ಹಂಚಿಕೊಳ್ಳಿ ಎಂದು ಹೇಳಿದ್ದಾರೆ.

ಕಾಮನಬಿಲ್ಲಿನ ಏಳು ಬಣ್ಣಗಳಂತೆ ಭಾರತದ ವೈವಿಧ್ಯ ಸಂಸ್ಕೃತಿ, ಕಲೆ ಮಧ್ಯೆ ಏಕತೆ, ಭಾತೃತ್ವವನ್ನು ನೀಡಲಿ. ದೇಶದಲ್ಲಿ ಶಾಂತಿ, ಸಮೃದ್ಧತೆಗೆ ನಾಂದಿ ಹೋಳಿ ಹಬ್ಬ ನಾಂದಿ ಹಾಡಲಿ ಎಂದು ಹೇಳಿದ್ದಾರೆ.

ಕೇಂದ್ರ ಸರ್ಕಾರದ ಇತರ ಸಚಿವರಾದ ರಾಜನಾಥ್ ಸಿಂಗ್, ಸುಷ್ಮಾ ಸ್ವರಾಜ್, ಅರುಣ್ ಜೇಟ್ಲಿ, ಎಂ.ವೆಂಕಯ್ಯ ನಾಯ್ಡು ಕೂಡ ಹೋಳಿ ಹಬ್ಬದ ಪ್ರಯುಕ್ತ ಜನತೆಗೆ ಶುಭ ಕೋರಿದ್ದಾರೆ.