ಪಾಟ್ನಾ: ಬೀದಿ ಕಾಮಣ್ಣರ ಕಾಟಕ್ಕೆ ಕಡಿವಾಣ ಹಾಕಲು ಉತ್ತರ ಪ್ರದೇಶದಲ್ಲಿ ಆಂಟಿ ರೋಮಿಯೋ ಪಡೆ ರಚಿಸಲಾಗಿರುವ ಮಾದರಿಯಲ್ಲೇ ಬಿಹಾರದಲ್ಲಿಯೂ ಮಹಿಳೆಯರ ಸುರಕ್ಷತೆಗಾಗಿ ಆಂಟಿ ರೋಮಿಯೋ ಪಡೆ ರಚನೆಯಾಗಬೇಕು ಎಂದು ಬಿಜೆಪಿ ಒತ್ತಾಯಿಸಿದೆ. 

ಸಮಾಜಘಾತುಕರನ್ನು ಎದುರಿಸಲು, ಮಹಿಳೆಯರ ಭದ್ರತೆ ಒದಗಿಸಲು ಉತ್ತರ ಪ್ರದೇಶದ ಮಾದರಿಯಲ್ಲೇ ಆಂಟಿ ರೋಮಿಯೋ ಪಡೆ ರಚನೆಯಾಗಬೇಕು ಎಂದು ಬಿಜೆಪಿ ನಾಯಕ ಸುಶೀಲ್ ಕುಮಾರ್ ಮೋದಿ ಆಗ್ರಹಿಸಿದ್ದಾರೆ. ಬಿಹಾರ ಸರ್ಕಾರ, ಮಹಿಳೆಯರ ಸುರಕ್ಷತೆ ಹಾಗೂ ಆಂಟಿ ರೋಮಿಯೋ ಸ್ಕ್ವಾಡ್ ಗಳನ್ನು ಶಾಲೆ, ಕಾಲೇಜುಗಳಲ್ಲಿ ನಿಯೋಜಿಸಬೇಕು ಎಂದು ಸುಶೀಲ್ ಕುಮಾರ್ ಮೋದಿ ಮಾಧ್ಯಮಗಳಿಗೆ ಹೇಳಿಕೆ ನೀಡಿದ್ದಾರೆ. 

ವಿರೋಧ ಪಕ್ಷದ ನಾಯಕ ಪ್ರೇಮ್ ಕುಮಾರ್ ಆಂಟಿ ರೋಮಿಯೋ ಪಡೆ ಮಾದರಿಯಲ್ಲೇ ಅಕ್ರಮ ಕಸಾಯಿಖಾನೆಗಳನ್ನೂ ಮುಚ್ಚಿಸಬೇಕು ಎಂದು ಬಿಹಾರ ಸರ್ಕಾರಕ್ಕೆ ಒತ್ತಡ ಹೇರಿದ್ದಾರೆ.