ಚಂಡೀಘರ: ಹಿಮಾಲಯನ್ ಕ್ವೀನ್ ಎಕ್ಸ್ ಪ್ರೆಸ್ ರೈಲು ಚಾಲಕ ತುರ್ತಾಗಿ ಬ್ರೇಕ್ ಒತ್ತಿದ್ದ ಪರಿಣಾಮ ಕನಿಷ್ಠ 10 ಪ್ರಯಾಣಿಕರು ಗಾಯಗೊಂಡಿದ್ದಾರೆ. 

ರೈಲು ವೇಗವಾಗಿ ಸಂಚರಿಸುತ್ತಿದ್ದ ಸಮಯದಲ್ಲಿ ಹರಿಯಾಣದ ರೈಲ್ವೇ ನಿಲ್ದಾಣದ ಬಳಿ ಸ್ಟೇಷನ್ ಮಾಸ್ಟರ್ ತುರ್ತು ಅಲಾರಾಂ ಕರೆ ಮಾಡುತ್ತಾರೆ. ಆಗ ರೈಲು ಚಾಲಕ ತಕ್ಷಣವೇ ರೈಲನ್ನು ನಿಲ್ಲಿಸುತ್ತಾನೆ. ರೈಲು ಘರುಂಡಾ ಎನ್ನುವಲ್ಲಿ ಕೆಲವು ಸಮಯ ನಿಲ್ಲುತ್ತದೆ.

ಘಟನೆಯಲ್ಲಿ ಗಾಯಗೊಂಡವರಿಗೆ ಪ್ರಥಮ ಚಿಕಿತ್ಸೆ ನೀಡಲಾಗಿದ್ದು ತಕ್ಷಣ ಬ್ರೇಕ್ ಒತ್ತುವ ಚಾಲಕನ ಕ್ರಮದ ವಿರುದ್ಧ ಪ್ರಯಾಣಿಕರು ರೈಲ್ವೆ ಮಂಡಳಿ ಎದುರು ಪ್ರತಿಭಟನೆ ನಡೆಸಿದ್ದಾರೆ.

"ರೈಲು ವೇಗವಾಗಿ ಬರುತ್ತಿತ್ತು, ಆಗ ಚಾಲಕ ತಕ್ಷಣೇ ತುರ್ತು ಬ್ರೇಕ್ ಒತ್ತಿ ರೈಲು ನಿಲ್ಲಿಸಿದ್ದಾನೆ. ನಾನು ಚಾಲಕನನ್ನು ಈ ಕುರಿತಂತೆ ವಿಚಾರಣೆ ನಡೆಸಿದೆ. ಆದರೆ ಆತನಿಂದ ಯಾವ ಸೂಕ್ತ ಪ್ರತಿಕ್ರಿಯೆ ಬರಲಿಲ್ಲ. ಈ ಘಟನೆಗೆ ರೈಲು ಚಾಲಕನೇ ನೇರ ಹೊಣೆಗಾರನಾಗಿದ್ದಾನೆ" ಎಂದು ಘರುಂಡಾ ರೈಲು ನಿಲ್ದಾಣದ ಸ್ಟೇಷನ್ ಮಾಶ್ಟರ್ ಹೇಳಿದರು.

ದೆಹಲಿ ಸರಾಯ್ ರೋಹಿಲ್ಲಾ ಕಲ್ಕಾ ಹಿಮಾಲಯನ್ ಕ್ವೀನ್ ಎಕ್ಸ್ ಪ್ರೆಸ್ ಉತ್ತರ ರೈಲ್ವೇ ವಲಯದ ಎಕ್ಸ್ ಪ್ರೆಸ್ ರೈಲುಗಳಲ್ಲಿ ಒಂದಾಗಿದೆ.