ಬರ್ಮೆರಾ ಜಿಲ್ಲೆಯ ಬಾಲೊಟ್ರ ಪ್ರದೇಶದಲ್ಲಿ ಹಿಂದೂ ಮಹಿಳೆಯೊಂದಿಗೆ ಹೊಟೇಲೆ ನಲ್ಲಿ ತಂಗಿದ್ದ ಮುಸ್ಲಿಂ ಯುವಕನ ಮೇಲೆ ಹಲ್ಲೆ ಮಾಡಲಾಗಿದೆ. 

ಮುಸ್ಲಿಂ ಯುವಕನೊಂದಿಗೆ ರಜಪೂತ್ ಹಿಂದೂ ಮಹಿಳೆ ಹೊಟೇಲ್ ನಲ್ಲಿ ತಂಗಿರುವುದನ್ನು ತಿಳಿದುಕೊಂಡ ಮಹಿಳೆಯ ಸಂಬಂಧಿಕರು ಹೊಟೇಲ್ ಗೆ ಬಂದು ಮುಸ್ಲಿಂ ಯುವಕನನ್ನು ಆಚೆಗೆ ಎಳೆದು ಹಲ್ಲೆ ಮಾಡಿದ್ದಾರೆ ಎಂದು ಬರ್ಮೆರಾ ಎಡಿಎಸ್ಪಿ ಕೈಲಾಸದನ್ ರತ್ನೊ ಹೇಳಿದ್ದಾರೆ. 

ಮಾನಸಸರೋವರ್ ಹೋಟೆಲ್ ಮಾಲೀಕ ಮುಲ್ತಾನ್ ಪರಿಹಾರ್ 25 ವರ್ಷದ ಪದು ಖಾನ್ ಎಂಬಾತ ಹಿಂದೂ ಮಹಿಳೆಯೊಂದಿಗೆ ಬೆಳಗ್ಗೆ 10 ಗಂಟೆ ಸುಮಾರಿಗೆ ಬಂದಿದ್ದ. ಇದಾದ ಒಂದೂವರೆ ಗಂಟೆ ನಂತರ ಮಹಿಳೆಯ ಸಂಬಂಧಿಕರು ಹೋಟೆಲ್ ಗೆ ಆಗಮಿಸಿ ತಮ್ಮ ವಿವರವನ್ನು ಹೇಳಿದರು. 

ನನಗೆ ಸ್ವಲ್ಪ ಕೆಲಸವಿದ್ದ ಕಾರಣ ನಾನು ಅಲ್ಲಿಂದ ತೆರಳಿದೆ ಸ್ವಲ್ಪ ಸಮಯದ ನಂತರ ನನ್ನ ಹೋಟೆಲ್ ಸಿಬ್ಬಂದಿಗಳು ಕರೆ ಮಾಡಿ ತಿಳಿಸಿದರು. ಶಿವಸೇನೆ ಕಾರ್ಯಕರ್ತರು ಬಂದು ಪದು ಖಾನ್ ನನ್ನು ಹೊರಗೆ ಎಳೆದು ಥಳಿಸಿದರು ಎಂದು ಹೇಳಿದ್ದಾರೆ. 

ಗುಂಪಿನಲ್ಲಿದ್ದರು ಪದು ಖಾನ್ ನನ್ನು ಥಳಿಸುವಾಗ ಜೈ ಶ್ರೀ ರಾಮ ಎಂದು ಕೂಗುತ್ತಿದ್ದರು. ಅಲ್ಲದೆ ಇದು ಲವ್ ಜಿಹಾದ್ ಎಂದು ಗುಂಪಿನವರು ಆರೋಪಿಸಿದ್ದು ತೀವ್ರವಾಗಿ ಗಾಯಗೊಂಡಿದ್ದ ಪದು ಖಾನ್ ನನ್ನು ಕೂಡಲೇ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು ಎಂದು ರತ್ನೋ ಅವರು ತಿಳಿಸಿದ್ದಾರೆ.