ನವದೆಹಲಿ: ಕಾಂಗ್ರೆಸ್​ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರ ಭದ್ರತೆಗಾಗಿ ನಿಯೋಜಿತರಾಗಿದ್ದ ವಿಶೇಷ ಭದ್ರತಾ ಪಡೆಯ ​(ಎಸ್ ಪಿಜಿ) ಓರ್ವ ಕಮ್ಯಾಂಡೋ ಕಳೆದ 3 ದಿನಗಳಿಂದ ನಿಗೂಢವಾಗಿ ಕಣ್ಮರೆಯಾಗಿದ್ದಾರೆ.

ಎಸ್ ​ಪಿಜಿ ಕಮ್ಯಾಂಡೋ ಆಗಿ ಕಾರ್ಯನಿರ್ವಹಿಸುತ್ತಿದ್ದ ರಾಕೇಶ್​ ಕುಮಾರ್​ ಸೆಪ್ಟೆಂಬರ್​ 3 ರಿಂದ ಕಾಣೆಯಾಗಿದ್ದಾರೆ ಎಂದು ಅವರ ಕುಟುಂಬಸ್ಥರು ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ರಾಕೇಶ್​ ಕುಮಾರ್​ ಅವರು ಸೆಪ್ಟೆಂಬರ್​ 1 ರಂದು ಎಂದಿನಂತೆ 10 ಜನಪತ್ ​ನ ಸೋನಿಯಾ ಗಾಂಧಿ ಅವರ ನಿವಾಸಕ್ಕೆ ತೆರಳಿದ್ದು ನಂತರ ತಮ್ಮ ಸರ್ವಿಸ್​ ರಿವಾಲ್ವರ್​ ಮತ್ತು ಮೊಬೈಲ್​ ಫೋನ್​ ಗಳನ್ನು ಅಲ್ಲೇ ಬಿಟ್ಟು ಹೋಗಿದ್ದಾರೆ.ಅಲ್ಲಿಂದೀಚೆಗೆ ರಾಕೇಶ್ ವರ ಕುಟುಂಬಸ್ಥರ ಸಂಪರ್ಕಕ್ಕೆ ಸಿಕ್ಕಿಲ್ಲ. 

ಕೆಲಸದ ಒತ್ತಡವಿರಬಹುದು ಎಂದು ಕುಟುಂಬಸ್ಥರಗೂ ಸಹ ಪ್ರಾರಂಭದಲ್ಲಿ ಒಂದೆರಡು ದಿನ ಕಾದು ನೋಡಿದ್ದಾರೆ. ಆದರೆ ರಾಕೇಶ್ ಸುಳಿವಿರದ ಕಾರನ ಸೆಪ್ಟೆಂಬರ್​ 3 ರಂದು ಕುಟುಂಬಸ್ಥರು ಸೋನಿಯಾ ಗಾಂಧಿ ಅವರ ನಿವಾಸಕ್ಕೆ ತೆರಳಿ ವಿಚಾರಿಸಿದಾಗ ರಾಕೇಶ್​ ನಾಪತ್ತೆಯಾಗಿರುವುದು ತಿಳಿದು ಬಂದಿದೆ.

ರಾಕೇಶ್ ತನ್ನ ಪತ್ನಿ ಮತ್ತು ಇಬ್ಬರು ಮಕ್ಕಳೊಂದಿಗೆ ದ್ವಾರಕಾ ಎನ್ನುವಲ್ಲಿ ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿದ್ದನು. ಪ್ರಕರಣ ದಾಕಲಿಸಿಕೊಂಡ ಪೋಲಿಸರು ತನಿಖೆ ಪ್ರಾರಂಭಿಸಿದ್ದಾರೆ.