ಬೆಂಗಳೂರು: ಹಿರಿಯ ಪತ್ರಕರ್ತೆ, ಸಾಹಿತಿ ಹಾಗೂ ಹೋರಾಟಗಾರ್ತಿ ಗೌರಿ ಲಂಕೇಶ್ ಅವರನ್ನು ಅಪಹಾಸ್ಯ ಮಾಡಿದ್ದ ನಾಲ್ವರು ಮಂದಿಯನ್ನು ಟ್ವೀಟರ್ ನಲ್ಲಿ ಫಾಲೋ ಮಾಡುತ್ತಿರುವ ಪ್ರಧಾನಿ ನರೇಂದ್ರ ಮೋದಿಯನ್ನು ಟ್ವೀಟರಿಗರು ಬ್ಲಾಕ್ ಮಾಡುತ್ತಿದ್ದಾರೆ. 

ಇದೀಗ ಟ್ವೀಟರ್ ನಲ್ಲಿ #BlockNarendraModi ಅಭಿಯಾನವ ಟ್ರೆಂಡ್ ಆಗುತ್ತಿದೆ. ಗೌರಿ ಲಂಕೇಶ್ ಅವರನ್ನು ನಾಯಿಗೆ ಹೋಲಿಸಿ, ಅವರ ಹತ್ಯೆಯನ್ನು ಅಪಹಾಸ್ಯ ಮಾಡಿದ್ದ ನಾಲ್ವರನ್ನು ಪ್ರಧಾನಿ ಮೋದಿ ಟ್ವೀಟರ್ ನಲ್ಲಿ ಫಾಲೋ ಮಾಡುತ್ತಿದ್ದಾರೆ. ಜವಾಬ್ದಾರಿಯುತ ಸ್ಥಾನದಲ್ಲಿರುವ ಮೋದಿ ಅವರು ಇಂಥವರನ್ನು ಯಾಕೆ ಫೋಲೋ ಮಾಡುತ್ತಿದ್ದಾರೆ ಎಂದು ಟ್ವೀಟರಿಗರು ಪ್ರಶ್ನಿಸಿದ್ದಾರೆ. 

ಟ್ವೀಟರಿಗರು ಪ್ರಧಾನಿ ಮೋದಿ ಅವರನ್ನು ಆ ನಾಲ್ವರನ್ನು ಅನ್ ಫಾಲೋ ಮಾಡಿ ಎಂದು ಆಗ್ರಹಿಸಿದ್ದಾರೆ. ಅದನ್ನು ಪ್ರತಿಭಟಿಸುವ ಸಲುವಾಗಿ ಟ್ವೀಟರಿಗರು ತಮ್ಮ ತಮ್ಮ ಖಾತೆಯಿಂದ ನರೇಂದ್ರ ಮೋದಿ ಅವರನ್ನು ಬ್ಲಾಕ್ ಮಾಡುವ ಅಭಿಯಾನವನ್ನು ಆರಂಭಿಸಿದ್ದಾರೆ.