ಲಕ್ನೋ(ಉತ್ತರ ಪ್ರದೇಶ): ಅಪಾಯಕಾರಿ ಬ್ಲೂ ವೇಲ್ ಗೇಮ್ ನಿಂದ 13 ವರ್ಷದ ಬಾಲಕ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂಬ ಶಂಕೆ ವ್ಯಕ್ತವಾಗಿದೆ.

ಲಕ್ನೋದ ಆದಿತ್ಯ ಎಂಬ ಬಾಲಕ ಇಲ್ಲಿನ ಇಂದಿರಾ ನಗರದಲ್ಲಿ ತನ್ನ ಅಜ್ಜಿ ಮನೆಯಲ್ಲಿದ್ದುಕೊಂಡು ನಿರ್ಮಲ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ವ್ಯಾಸಂಗ ಮಾಡುತ್ತಿದ್ದ. ಬ್ಲೂ ವೇಲ್ ಆಟ ಆಡುತ್ತಿದ್ದ ಈತ ಗೇಮ್ ನ ಅಂತಿಮ ಹಂತದ ಟಾಸ್ಕ್ ನಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎನ್ನಲಾಗಿದೆ.

ಕಲಿಕೆಯಲ್ಲಿ ಸಾಧಾರಣನಾಗಿದ್ದ ಬಾಲಕ ತನ್ನ ತಾಯಿಯ ಮೊಬೈಲ್ ನಲ್ಲಿ ಬ್ಲೂ ವೇಲ್ ಗೇಮ್ ಆಟವಾಡುತ್ತಿದ್ದ ಎಂದು ಆತನ ಹತ್ತಿರದ ಬಂಧುಗಳು ತಿಳಿಸಿದ್ದಾರೆ. ಬಾಲಕನ ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ.