ನವದೆಹಲಿ: ಅಮರನಾಥ ಯಾತ್ರಿಕರ ಮೇಲಿನ ದಾಳಿ ಪ್ರಕರಣ ಪ್ರಮುಖ ರುವಾರಿಯಾಗಿದ್ದ ಲಷ್ಕರ್-ಇ-ತೊಯ್ಬಾ ಉಗ್ರ ಸಂಘಟನೆಯ ಕಮಾಂಡರ್ ಅಬು ಇಸ್ಮಾಯಿಲ್ ಹತ್ಯೆ ನಂತರ ಆತನ ಮುಖದ ಮೇಲೆ ಕಾಲಿಟ್ಟಿರುವ ಭಾರತೀಯ ಯೋಧನ ವಿಡಿಯೋ ಇದೀಗ ವೈರಲ್ ಆಗಿದೆ. 

ಉಗ್ರನ ಮುಖದ ಮೇಲೆ ಭಾರತೀಯ ಯೋಧ ಕಾಲಿಟ್ಟಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು ಈ ಬಗ್ಗೆ ಭಾರತೀಯ ಸೇನೆ ತನಿಖೆಗೆ ಆದೇಶಿಸಿದೆ. 

ಲಷ್ಕರ ಇ ತೊಯ್ಬಾ ಉಗ್ರ ಸಂಘಟನೆಯ ಅಬು ಇಸ್ಮಾಯಿಲ್ ಮತ್ತು ಅಬು ಖಾಸಿಮ್ ನನ್ನು ಭಾರತೀಯ ಸೇನೆ ಹತ್ಯೆಗೈದಿತ್ತು. ನಂತರ ಯೋಧ ಆತನ ಮುಖದ ಮೇಲೆ ಕಾಲಿಟ್ಟಿದ್ದ 14 ಸೆಕೆಂಡುಗಳ ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು ಪ್ರಕರಣ ಕುರಿತಂತೆ ಭಾರತೀಯ ಸೇನೆ ಸೂಕ್ತ ಕ್ರಮ ಕೈಗೊಳ್ಳುವ ಭರವಸೆ ನೀಡಿದೆ. 

ಉಗ್ರ ಅಬು ಇಸ್ಮಾಯಿಲ್ ಕಳೆದ ತಿಂಗಳು ಅಮರನಾಥ ಯಾತ್ರಿಕರ ಮೇಲೆ ದಾಳಿ ನಡೆಸಿದ್ದು ಇದರಲ್ಲಿ ಎಂಟು ಮಂದಿ ಯಾತ್ರಾತ್ರಿಕರು ಸಾವನ್ನಪ್ಪಿದ್ದು 20 ಮಂದಿ ಗಾಯಗೊಂಡಿದ್ದರು.