ಶ್ರೀನಗರ;  ಹಿಜ್ಬುಲ್ ಮುಜಾಹಿದ್ದೀನ್ ಉಗ್ರ ಸಂಘಟನೆಯ ನೇತೃತ್ವವಹಿಸುವ ಉದ್ದೇಶದಿಂದ ಉರಿ ಸೆಕ್ಟರ್'ನಲ್ಲಿ ಗಡಿ ನುಸುಳಲು ಯತ್ನ ನಡೆಸಿದ್ದ ಉಗ್ರವಾಗಿ ಅಬ್ದುಲ್ ಖಯೂಮ್ ನಜರ್ ನನ್ನು ಭಾರತೀಯ ಭದ್ರತಾ ಪಡೆಗಳು ಹತ್ಯೆ ಮಾಡಿದೆ ಎಂದು ಬುಧವಾರ ತಿಳಿದುಬಂದಿದೆ. 

ಸುಮಾರು 50ಕ್ಕೂ ಅಧಿಕ ಮಂದಿಯ ಹತ್ಯೆಗೆ ಸಂಬಂಧಿಸಿದಂತೆ 17 ವರ್ಷಗಳಿಂದಲೂ ನಜರ್ ಸೇನಾ ಪಡೆಗಳಿಗೆ ಬೇಕಾಗುದ್ದುದ್ದರಿಂದ, ಆತನ ಹತ್ಯೆ ಸೇನೆಗೆ ಮಹತ್ವದ ಯಶಸ್ಸು ಸಾಧಿಸಿದಂತಾಗಿದೆ. 

ಲಾಚಿಪೋರಾ ಪ್ರದೇಶದಲ್ಲಿ ಒಳ ಸುನುಳುವಿಕೆ ಯತ್ನವನ್ನು ವಿಫಲಗೊಳಿಸುವ ಪ್ರಯತ್ನದಲ್ಲಿ ಭದ್ರತಾ ಸಿಬ್ಬಂದಿ, ನುಸುಳುಕೋರ ನಜರ್ ನನ್ನು ಹತ್ಯೆ ಮಾಡಿದ್ದಾರೆ.

ಇತ್ತೀಚೆಗೆ ಹಿಜ್ಬುಲ್ ಮುಜಾಹಿದ್ದೀನ್ ಸಂಘಟನೆಯ ಹಿರಿಯ ಕಮಾಂಡರ್ ಗಳನ್ನು ಹತ್ಯೆ ಮಾಡಿದ್ದುದ್ದರಿಂದ, ಆ ಸ್ಥಾನವನ್ನು ವಹಿಸಿಕೊಳ್ಳಲು ನಜರ್ ಕಾಶ್ಮೀರಕ್ಕೆ ಹಿಂದಿರುಗುತ್ತಿದ್ದ ಎನ್ನಲಾಗಿದೆ. 

2015ರಲ್ಲಿ ನಜರ್ ಹಿಜ್ಬುಲ್ ಕಮಾಂಡರ್ ಆಗಿದ್ದ. ಈ ವೇಳೆ ಹಲವು ನಾಗರೀಕರ ಕೊಲೆ ನಡೆಸಿದ್ದ ಕಾರಣಕ್ಕೆ ಈತನ ವಿರುದ್ಧ ಆಕ್ರೋಶಗಳು ಕೇಳಿಬಂದಿದ್ದವು. ಹೀಗಾಗಿ ಈತನನ್ನು ಹಿಜ್ಬುಲ್ ಮುಖ್ಯಸ್ಥ ಸಲಾಹುದ್ದೀನ್ ಉಚ್ಚಾಟನೆಗೊಳಿಸಿದ್ದರ. ಬಳಿಕ ನಜರ್ ತನ್ನದೇ ಆದ ಲಷ್ಕರ್ ಇ ಇಸ್ಲಾಂನ್ನು ಸ್ಥಾಪನೆ ಮಾಡಿದ್ದ. ನಜರ್ ಜಮ್ಮು ಮತ್ತು ಕಾಶ್ಮೀರ ಪೊಲೀಸರಿಗೆ ಮೋಸ್ಟ್ ವಾಟೆಂಡ್ ಉಗ್ರನಾಗಿದ್ದ. ಈತನ ತಲೆಗೆ ಭದ್ರತಾ ಪಡೆಗಳು ರೂ.10 ಲಕ್ಷ ಬಹುಮಾನ ಘೋಷಣೆ ಮಾಡಿತ್ತು.