ನವದೆಹಲಿ: ರಾಜ್ಯಸಭೆಯಲ್ಲಿ ಆಡಳಿತಾರೂಢ ಬಿಜೆಪಿ ಪಕ್ಷದ ನಾಯಕರಾಗಿ ವಿತ್ತ ಸಚಿವ ಅರುಣ್ ಜೇಟ್ಲಿಯವರು ಮತ್ತೆ ಮಂಗಳವಾರ ಆಯ್ಕೆಯಾಗಿದ್ದಾರೆ. 

ರಾಜ್ಯಸಭಾ ನಾಯಕರಾಗಿ ಜೇಟ್ಲಿಯವರ ಅವಧಿ ನಿನ್ನೆಗೆ ಪೂರ್ಣಗೊಂಡಿತ್ತು. ಉತ್ತರಪ್ರದೇಶದಿಂದ ಮೇಲ್ಮನೆಗೆ ಜೇಟ್ಲಿಯವರು ಮರು ಆಯ್ಕೆಯಾಗಿದ್ದಾರೆಂದು ರಾಜ್ಯಸಭೆ ಸಭಾಧ್ಯಕ್ಷ ಎಂ. ವೆಂಕಯ್ಯ ನಾಯ್ಡು ಅವರು ಹೇಳಿದ್ದಾರೆ. 

ಬಿಜೆಪಿ ನಾಯಕ ಮತ್ತು ಕೇಂದ್ರ ಸಚಿವ ರವಿಶಂಕರ್ ಪ್ರಸಾತ್ ಅವರು ರಾಜ್ಯಸಭಾ ಸದಸ್ಯರಾಗಿ ಇಂದು ಪ್ರಮಾಣವಚನ ಸ್ವೀಕರಿಸಿದ್ದಾರೆ. ಇದಲ್ಲದೆ, ಅರುಣ್ ಜೇಟ್ಲಿ. ಜಿವಿಎಲ್ ನರಸಿಂಹ ರಾವ್, ಹರ್ನಾತ್ ಯಾದವ್, ಅಶೋಕ್ ಬಾಜ್ಬಾಯ್, ವಿಜಯ್ ಪಾಲ್ ಸಿಂಗ್ ತೋಮರ್, ಕಂಠ ಕರ್ದಾಮ್, ಸಕಲ್ದೀಪ್ ರಜ್ಭಾರ್ ಮತ್ತು ಅನಿಲ್ ಅಗರ್ವಾಲ್ ಅವರೂ ಕೂಡ ರಾಜ್ಯಸಭಾ ಸದಸ್ಯರಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ. 

ಆರ್'ಜೆಡಿ ವಕ್ತಾರ ಮನೋಜ್ ಝಾ, ತೆಲುಗು ದೇಶಂ ಪಕ್ಷದ ಉಪಾಧ್ಯಕ್ಷ ಸಿ.ಎಂ. ರಮೇಶ್ ಅವರೂ ಕೂಡ ಪ್ರಮಾಣವಚನ ಸ್ವೀಕರಿಸಿದ್ದಾರೆಂದು ತಿಳಿದುಬಂದಿದೆ.