ನವದೆಹಲಿ; ಕತುವಾದಲ್ಲಿ 8 ವರ್ಷದ ಬಾಲಕಿ ಮೇಲೆ ನಡೆದ ಸಾಮೂಹಿಕ ಅತ್ಯಾಚಾರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಡೀ ದೇಶದಾದ್ಯಂತ ಆಕ್ರೋಶಗಳು ವ್ಯಕ್ತವಾಗುತ್ತಿದ್ದು, ಈ ನಡುವೆ ದೇಶವನ್ನು ಸುರಕ್ಷಿತ ತಾಣವನ್ನು ಮಾಡಲಾಗಲಿಲ್ಲ, ನನ್ನನ್ನು ಕ್ಷಮಿಸು ಮಗಳೇ ಎಂದು ಹೇಳಿ ನಟ ಹಾಗೂ ರಾಜಕೀಯ ನಾಯಕ ಕಮಲ್ ಹಾಸನ್ ಅವರು ಕ್ಷಮೆಯಾಚಿಸಿದ್ದಾರೆ.
ಸಾಮಾಜಿಕ ಜಾಲತಾಣ ಟ್ವಿಟರ್ ನಲ್ಲಿ ಟ್ವೀಟ್ ಮಾಡಿರುವ ಅವರು, ಅರ್ಥಮಾಡಿಕೊಳ್ಳಲು ಸ್ವಂತ ಮಗಳೇ ಆಗಬೇಕೆ? ಒಬ್ಬ ವ್ಯಕ್ತಿಯಾಗಿ, ತಂದೆಯಾಗಿ ಹಾಗೂ ದೇಶದ ನಾಗರೀಕನಾಗಿ ನನಲ್ಲಿ ಕೋಪಬರುತ್ತಿದೆ. ನನ್ನನ್ನು ಕ್ಷಮಿಸು ಮಗಳೇ. ನಿನಗೆ ಈ ದೇಶವನ್ನು ಸುರಕ್ಷಿತ ಪ್ರದೇಶ ಮಾಡಲು ಸಾಧ್ಯವಾಗಲಿಲ್ಲ. ನಿನ್ನಂತಿರುವ ಭವಿಷ್ಯದ ಮಕ್ಕಳ ನ್ಯಾಯಕ್ಕಾಗಿ ನಾನು ಹೋರಾಡುತ್ತೇನೆ. ನಾವು ದುಃಖಪಡುತ್ತಿದ್ದೇವೆ, ನನ್ನನ್ನು ಮರೆಯಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.
ಕಮಲ್ ಹಾಸನ್ ಅವರ ಈ ಟ್ವೀಟ್ ಗೆ ಮೆಚ್ಚುಗೆಗಳು ವ್ಯಕ್ತವಾಗುತ್ತಿದ್ದು, 10 ಸಾವಿರಕ್ಕೂ ಹೆಚ್ಚು ಮಂದಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ, 2 ಗಂಟೆಗಳಲ್ಲಿ 3,500 ರೀಟ್ವೀಟ್ ಗಳು ಬಂದಿವೆ.