ಸೂರತ್: ಪತ್ನಿಯನ್ನು ಹತ್ಯೆಗೈದ ಪತಿಯೊಬ್ಬ ಬಳಿಕ ಮೃತದೇಹವನ್ನು 11 ಭಾಗವಾಗಿ ತುಂಡರಿಸಿರುವ ಘಟನೆಯೊಂದು ಗುಜರಾತ್ ರಾಜ್ಯದ ಸೂರತ್ ನಲ್ಲಿ ಮಂಗಳವಾರ ನಡೆದಿದೆ.
ಶಹನ್ವಾಜ್ ಶೇಕ್ ಪತ್ನಿ ಜುಲೇಕಾ ಎಂಬುವವರನ್ನು ಹತ್ಯೆ ಮಾಡಿದ್ದಾನೆ. ಬಳಿಕ ಮೃತದೇಹವನ್ನು 11 ಭಾಗವಾಗಿ ತುಂಡರಿಸಿ ವಿವಿಧ ಭಾಗಗಳಲ್ಲಿ ತುಂಡರಿಸಿದ ದೇಹದ ಭಾಗಗಳನ್ನು ಎಸೆದಿದ್ದಾನೆಂದು ಸಹಾಯಕ ಪೊಲೀಸ್ ಆಯುಕ್ತ ಬಿ.ಎಸ್.ಠಕ್ಕರ್ ಅವರು ಹೇಳಿದ್ದಾರೆ.
ಶಹನ್ವಾಜ್ ಮೊದಲನೇ ಪತ್ನಿ ಹಾಗೂ ಎರಡನೇ ಪತ್ನಿ ಜುಲೇಖಾ ಜೊತೆಗೆ ಒಂದೇ ಮನೆಯಲ್ಲಿ ವಾಸವಿದ್ದ. ಜುಲೇಕಾ ಆಗಾಗ ಶಹನ್ವಾಜ್ ಮೊದಲನೇ ಪತ್ನಿಯೊಂದಿಗೆ ಜಗಳವಾಡುತ್ತಿದ್ದಳು. ಇದರಿಂದ ತೀವ್ರವಾಗಿ ಬೇಸತ್ತ ಶಹನ್ವಾಜ್ ಜುಲೇಖಾಳನ್ನು ಹತ್ಯೆ ಮಾಡಿದ್ದಾರೆ.
ಮೃತದೇಹದ ಭಾಗಗಳನ್ನು ಶಹನ್ವಾಜ್ ಬಿಸಾಡುತ್ತಿದ್ದ ಸಂದರ್ಭದಲ್ಲಿ ಪೊಲೀಸರು ನೋಡಿದ್ದಾರೆ. ಈ ವೇಳೆ ವಿಚಾರಣೆ ನಡೆಸಿದಾಗ ಆರೋಪಿ ತಪ್ಪೊಪ್ಪಿಕೊಂಡಿದ್ದಾನೆಂದು ಠಕ್ಕರ್ ತಿಳಿಸಿದ್ದಾರೆ.