ನವದೆಹಲಿ: ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ  ಇದೇ ತಿಂಗಳ 22 ಮತ್ತು 23 ರಂದು ಎರಡು ದಿನ ಜರ್ಮನಿಗೆ  ಪ್ರವಾಸ ಕೈಗೊಳ್ಳುವ  ಸಾಧ್ಯತೆ ಇದೆ.

 ಜರ್ಮನಿ ಪ್ರವಾಸದ ನಂತರ  24 ಮತ್ತು 25 ರಂದು ಇಂಗ್ಲೆಂಡ್  ಪ್ರವಾಸ ಕೈಗೊಳ್ಳುವ ಸಾಧ್ಯತೆ ಇದೆ ಎಂದು ಮೂಲಗಳಿಂದ ತಿಳಿದುಬಂದಿದೆ.

ಎಐಸಿಸಿ ಅಧ್ಯಕ್ಷರಾದ ಬಳಿಕ ರಾಹುಲ್ ಗಾಂಧಿ ಎರಡನೇ ಬಾರಿಗೆ ವಿದೇಶ ಪ್ರವಾಸ ಕೈಗೊಳ್ಳುತ್ತಿದ್ದು, ಅಲ್ಲಿರುವ  ಅನಿವಾಸಿ ಭಾರತೀಯರು ಹಾಗೂ ಉದ್ಯಮಿಗಳನ್ನು ಉದ್ದೇಶಿಸಿ ಭಾಷಣ ಮಾಡಲಿದ್ದಾರೆ.

ಕಳೆದ ವರ್ಷ ಸೆಪ್ಟೆಂಬರ್ ತಿಂಗಳಲ್ಲಿ ಮೊದಲ ಬಾರಿಗೆ ವಿದೇಶ ಪ್ರವಾಸ ಕೈಗೊಂಡಿದ್ದ ರಾಹುಲ್ ಗಾಂಧಿ ಅಮೆರಿಕಾದಲ್ಲಿ ಭಾರತೀಯ ಅನಿವಾಸಿಯರೊಂದಿಗೆ  ಆರ್ಥಿಕತೆ ಹಾಗೂ  ಉದ್ಯೋಗ ಅವಕಾಶಗಳ ಬಗ್ಗೆಗೆ ಭಾಷಣ ಮಾಡಿದ್ದರು.

ಅಲ್ಲದೇ ಈ ವರ್ಷದ ಜನವರಿಯಲ್ಲಿ ಬಹ್ರೇನ್  ಹಾಗೂ ಮಾರ್ಚ್ ನಲ್ಲಿ ಸಿಂಗಾಪುರ , ಮಲೇಷ್ಯಾ ಪ್ರವಾಸ ಕೈಗೊಂಡಿದ್ದರು. ಜೂನ್ ತಿಂಗಳಲ್ಲಿ ಜಪಾನ್ ಪ್ರವಾಸ ಕೈಗೊಳ್ಳಲಿದ್ದಾರೆ ಎನ್ನಲಾಗಿತ್ತು. ಆದರೆ. ತದನಂತರ ಅದನ್ನು ರದ್ದುಪಡಿಸಲಾಗಿತ್ತು.