ಎಂಬಿಎ ವ್ಯಾಸಂಗ ಮಾಡುತ್ತಿರುವ 25 ವರ್ಷದ ನೀಲೇಶ್ ಖೇದ್ಕರ್ ಎಂಬ ವ್ಯಕ್ತಿ ಇಂತಹ ಹುಚ್ಚು ಕೆಲಸ ಮಾಡಿದ್ದು, ಪ್ರೇಮಿಯ ಬಳಿ ಕ್ಷಮೆ ಕೇಳಲು ಐ ಆಮ್ ಸಾರಿ ಎಂಬ 300 ಹೋರ್ಡಿಂಗ್ ಗಳನ್ನು ಹಾಕಿಸಿರುವ ಭೂಪ.  ತನ್ನ ಗರ್ಲ್ ಫ್ರೆಂಡ್ ನ್ನು ಶಿವ್ಡೇ ಎಂದು ಹೇಳಿದ್ದು, ಪಿಂಪಲ್ ಸೌದಾಗರ್ ಏರಿಯಾದ ಸ್ಕೈಲೇನ್ ನ್ನು ಕವರ್ ಮಾಡಲು ಈ ಹೋರ್ಡಿಂಗ್ ಗಳಿಗಾಗಿ 72,000 ರೂಪಾಯಿಗಳನ್ನು ಖರ್ಚು ಮಾಡಿದ್ದಾನಂತೆ ಈ ಪುಣ್ಯಾತ್ಮ. 

ಈ ಹೋರ್ಡಿಂಗ್ ಗಳನ್ನು ಗಮನಿಸಿರುವ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಅಕ್ರಮವಾಗಿ ಹೋರ್ಡಿಂಗ್ ಹಾಕಿರುವ ಮಜ್ನು ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ತನ್ನ ಹಾಗೂ ತನ್ನ ಗರ್ಲ್ ಫ್ರೆಂಡ್ ನಡುವೆ ಯಾವುದೋ ಕಾರಣಕ್ಕಾಗಿ ಮನಸ್ತಾಪ ಉಂಟಾಗಿತ್ತು. ಆದ್ದರಿಂದ ಆಕೆ ಬಳಿ ಕ್ಷಮೆ ಕೇಳಲು ಆಕೆ ಇರುವ ಪ್ರದೇಶದಲ್ಲಿ ಈ ರೀತಿ ಹೋರ್ಡಿಂಗ್ಸ್ ಹಾಕಿಸಿರುವುದಾಗಿ ಖೇದ್ಕರ್ ಹೇಳಿದ್ದಾನೆ.