ಹಾರುವ ಡ್ರೋಣ್ ಗಳಿಗೆ ಸಂಬಂಧಿಸಿದಂತೆ ನಾಗರಿಕ ವಿಮಾನಯಾನ ಸಚಿವಾಲಯ ಹೊಸ ನಿಯಮಗಳನ್ನು ಘೋಷಿಸಿದ್ದು,  ಡಿಸೆಂಬರ್ ನಿಂದ ಹೊಸ ನಿಯಮಗಳು ಜಾರಿಗೆ ಬರಲಿವೆ. ಹೊಸ ನಿಯಮಗಳ ಪ್ರಕಾರ ಭಾರತದಲ್ಲಿ ಡ್ರೋಣ್ ಹಾರಿಸುವುದಕ್ಕೆ ವಿದೇಶಿಗರಿಗೆ ನಿರ್ಬಂಧ ವಿಧಿಸಲಾಗಿದ್ದರೆ, ಅನುಮತಿ ಇರುವ ಡ್ರೋಣ್​ ಬಳಕೆದಾರರು ತಮ್ಮ ಡ್ರೋಣ್​ ಹಾಗೂ ಡ್ರೋಣ್​ ಫೈಲೆಟ್​ ಸೇರಿದಂತೆ ಮಾಲೀಕರ ಹೆಸರನ್ನು ನೊಂದಣಿ ಮಾಡಿಸಿಕೊಳ್ಳಬೇಕಾಗಿದೆ. 

ನೋಂದಣಿ ಇಲ್ಲದೇ ಅಥವಾ ಅನುಮತಿ ನಿರಾಕರಿಸಿದರೆ ಡ್ರೋಣ್ ಹಾರಾಟ ಸಾಧ್ಯವಿಲ್ಲ ಎಂದು ನಾಗರಿಕ ವಿಮಾನಯಾನ ಸಚಿವಾಲಯ ತಿಳಿಸಿದೆ.