ಭುವನೇಶ್ವರ: ಜಲಪಾತ ವೀಕ್ಷಣೆಗಾಗಿ ತೆರಳಿದ್ದ ವಿದ್ಯಾರ್ಥಿ ಜಲಪಾತದ ಸಮೀಪ ಸೆಲ್ಫಿ (ಸ್ವಂತಿ) ಕ್ಲಿಕ್ಕಿಸಲು ಹೋಗಿ ನೀರಿಗೆ ಬಿದ್ದು ದಾರುಣ ಸಾವಿಗೀಡಾಗಿರುವ ಘಟನೆ ಒಡಿಶಾದಲ್ಲಿ ನಡೆದಿದೆ.

ಒಡಿಶಾದ ಭೀಮಕುಂದಾ ಜಲಪಾತಕ್ಕೆ ಪ್ರವಾಸ ತೆರಳಿದ್ದ ವೇಳೆ  ರೋಹನ್ ಮಿಶ್ರಾ ಎಂಬ ವಿದ್ಯಾರ್ಥಿ ನೀರುಪಾಲಾಗಿದ್ದಾನೆ.

ರೋಹನ್  ಮಧುಪಟ್ನಾ ಸಾಯಿ ಶಿಕ್ಷಾ ಕೇಂದ್ರದಲ್ಲಿ ವ್ಯಾಸಂಗ ಮಾಡುತ್ತಿದ್ದು ಗೆಳೆಯರೊಡಎ ಜಲಪಾತ ವೀಕ್ಷಣೆಗೆ ತೆರಳಿದ್ದಾನೆ. ಈ ವೇಳೆ ಎಲ್ಲರೊಡನೆ ಸೆಲ್ಫಿ ತೆಗೆದುಕೊಳ್ಳುತ್ತಿದ್ದಾಗ ಅಕಸ್ಮಾತ್ ಕಾಲು ಜಾರಿ ನೀರಿಗೆ ಬಿದ್ದಿದ್ದಾನೆ. ಎಲ್ಲಾ ಗೆಳೆಯರ ಸಮ್ಮುಖದಲ್ಲೇ ಆತ ನೀರುಪಾಲಾಗಿದ್ದು ಇದನ್ನು ಸ್ಥಳೀಯರೊಬ್ಬರು ಮೊಬೈಲ್ ನಲ್ಲಿ ಸೆರೆ ಹಿಡಿದಿದ್ದಾರೆ.

ನೀರಿಗೆ ಬಿದ್ದ ರೋಹನ್  ನನ್ನು ಸ್ಥಳದಲ್ಲಿದ್ದ ಜನರು ರಕ್ಷಿಸಲು ಮುಂದಾಗಿದ್ದರಾದರೂ ನೀರಿನ ರಭಸದಿಂದಾಗಿ ಅದು ಸಾಧ್ಯವಾಗಿಲ್ಲ.

ಘಟನೆ ಸಂಬಂಧ ಸ್ಥಳೀಯ ಪೋಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.