ಗುರುಗಾಂವ್: ಶಿಕ್ಷಕಿಗೇ ಅತ್ಯಾಚಾರ ಬೆದರಿಕೆ ಹಾಕಿದ ವಿದ್ಯಾರ್ಥಿ, ಶಿಕ್ಷಕಿಗೆ ಸೆಕ್ಸ್ ಆಫರ್ ಮಾಡಿದ ಮತ್ತೋರ್ವ ವಿದ್ಯಾರ್ಥಿ!
ಗುರುಗಾಂವ್: ಅಘಾತಕಾರಿ ಬೆಳವಣಿಗೆಯೊಂದರಲ್ಲಿ 13 ವರ್ಷದ 7 ನೇ ತರಗತಿ ವಿದ್ಯಾರ್ಥಿಯೋರ್ವ ಶಿಕ್ಷಕಿ ಹಾಗೂ ಆಕೆಯ ಅಪ್ರಾಪ್ತ ಮಗಳ ಮೇಲೆ ಅತ್ಯಾಚಾರವೆಸಗುವುದಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಬೆದರಿಕೆ ಹಾಕಿರುವ ಘಟನೆ ಗುರುಗಾಂವ್ ನಲ್ಲಿ ನಡೆದಿದೆ.
ಇಷ್ಟೇ ಸಾಲದೆಂಬಂತೆ ಮತ್ತೋರ್ವ ವಿದ್ಯಾರ್ಥಿ ಶಿಕ್ಷಕಿಗೆ ಇ-ಮೇಲ್ ಮೂಲಕ ಜಾಲಿ ರೈಡ್, ಕ್ಯಾಂಡಲ್ ಲೈಟ್ ಡೇಟ್ ಹಾಗೂ ಸೆಕ್ಸ್ ಆಫರ್ ಮಾಡಿದ್ದಾನೆ. ಎರಡೂ ಘಟನೆಗಳು ಗುರುಗಾಂವ್ ನ ಪ್ರತಿಷ್ಠಿತ ಶಾಲೆಯಲ್ಲಿ ನಡೆದಿದ್ದು, ಶಾಲಾ ಆಡಳಿತ ಮಂಡಳಿ ತಲೆ ತಗ್ಗಿಸುವಂತಾಗಿದೆ. ಎರಡೂ ಘಟನೆಗಳು ಕಳೆದ ವಾರ ನಡೆದಿದೆ.
ಫೇಸ್ ಬುಕ್ ನಲ್ಲಿ ಶಿಕ್ಷಕಿ ಹಾಗೂ ಆಕೆಯ ಅಪ್ರಾಪ್ತ ಪುತ್ರಿಗೆ ಅತ್ಯಾಚಾರದ ಬೆದರಿಕೆ ಹಾಕಿರುವುದು ಶಿಕ್ಷಕಿಯ ಕುಟುಂಬ ಸದಸ್ಯರಿಗೆ ಅಘಾತ ಉಂಟು ಮಾಡಿದ್ದು, ಮಾನಸಿಕ ಅಘಾತ ಎದುರಿಸುತ್ತಿದ್ದು ಶಿಕ್ಷಕಿಯ ಪುತ್ರಿ ಬೆದರಿಕೆ ಹಾಕಿರುವ ವಿದ್ಯಾರ್ಥಿಯ ಸಹಪಾಠಿಯಾಗಿದ್ದು ಶಾಲೆಗೆ ಆಗಮಿಸುವುದನ್ನು ನಿಲ್ಲಿಸಿದ್ದಾರೆ.
ಘಟನೆಯನ್ನು ಗಂಭೀರವಾಗಿ ಪರಿಗಣಿಸಿರುವ ಜಿಲ್ಲಾ ಮಕ್ಕಳ ಕಲ್ಯಾಣ ಸಮಿತಿ ಶಾಲೆಗೆ ನೋಟಿಸ್ ಕಳಿಸಲು ನಿರ್ಧರಿಸಿದ್ದು, ಶಾಲೆಯ ಬೋಧಕ ವರ್ಗ ಹಾಗೂ ವಿದ್ಯಾರ್ಥಿಗಳಿಗೆ ಸಲಹಾ ವಿಭಾಗಗಳನ್ನು ಪ್ರಾರಂಭಿಂಭಿಸಲು ನಿರ್ಧರಿಸಿದೆ. ಘಟನೆಗಳನ್ನು ಗಂಭೀರವಾಗಿ ಶಾಲೆಯ ಅಧಿಕಾರಿಗಳು ಪರಿಗಣಿಸಿದ್ದಾರೆ.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos