ವಡೋದರಾ: ರಾಸಾಯನಿಕ ಕಾರ್ಖಾನೆಯಲ್ಲಿ ಸಂಭವಿಸಿದ ಭೀಕರ ಸ್ಪೋಟದ ಕಾರಣ ಮೂವರು ಕಾರ್ಮಿಕರು ಸತ್ತು 12 ಮಂದಿ ಗಾಯಗೊಂಡ ಘಟನೆ ಗುಜರಾತ್ ನ ವಡೋದರಾ ನಂದೆಸಾರಿ ಕೈಗಾರಿಕ ಪ್ರದೇಶದಲ್ಲಿ ನಡೆದಿದೆ.

ಘಟನೆಯಲ್ಲಿ ಗಾಯಗೊಂಡವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಅದರಲ್ಲಿ ಇನ್ನೂ ನಾಲ್ವರ ಸ್ಥಿತಿ ಗಂಭೀರ ಆಗಿದೆ. ಭಾನುವಾರ ಬೆಳಗಿನ ಜಾವ ಕಾರ್ಖಾನೆಯಲ್ಲಿ ಕಾಣಿಸಿಕೊಂಡ ಬೆಂಕಿಯು ಎಲ್ಲೆಡೆ ಹಬ್ಬಿ ಈ ಭಿಕರ ಅನಾಹುತ ಸಂಭವಿಸಿದೆ.

ಸುಮಾರು ಎರಡು ಗಂಟೆಗಳ ಕಾಲ ಕಾರ್ಯಾಚರಣೆ ನಡೆಸಿದ ಅಗ್ನಿಶಾಮಕ ದಳ ಸಿಬ್ಬಂದಿ ಇದುವರೆಗೂ ಒಟ್ಟು 16 ಜನರನ್ನು ರಕ್ಷಿಸಿದ್ದಾರೆ.