ಭೋಪಾಲ್: ಇನ್ನೂ ಸ್ವಲ್ಪ ದಾಲ್ ಬೇಕು ಎಂದು ಕೇಳಿದ ಪ್ರಥಮ ತರಗತಿ ವಿದ್ಯಾರ್ಥಿಯ ಮೇಲೆ ಮಧ್ಯಾಹ್ನದ ಬಿಸಿಯೂಟ ಸಿಬ್ಬಂದಿಯೊಬ್ಬರು ದಾಲ್ ಸುರಿದಿರುವ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ. 

ಪ್ರಥಮ ತರಗತಿ ವಿದ್ಯಾರ್ಥಿ ಪ್ರಿನ್ಸ್ ತನಗೆ ಇನ್ನೂ ಸ್ವಲ್ಪ ದಾಲ್ ಬೇಕೆಂದು ಕೇಳಿದ್ದ, ಆದರೆ ದಾಲ್ ಹಾಕುವ ಬದಲು ಸಿಬ್ಬಂದಿಯೊಬ್ಬರು ವಿದ್ಯಾರ್ಥಿಯ ಮೇಲೆಯೇ ಬಿಸಿ ದಾಲ್ ನ್ನು ಹಾಕಿದ್ದು, ವಿದ್ಯಾರ್ಥಿಯ ಮುಖ, ಗಂಟಲು ಎದೆ ಭಾಗದಲ್ಲಿ ತೀವ್ರವಾಗಿ ಸುಟ್ಟ ಗಾಯಗಳಾಗಿವೆ. 

ತಕ್ಷಣವೇ ವಿದ್ಯಾರ್ಥಿಯನ್ನು ಆಸ್ಪತ್ರೆಗೆ ಸೇರಿಸಲಾಗಿದ್ದು, ಪ್ರಾಣ ಅಪಾಯದಿಂದ ವಿದ್ಯಾರ್ಥಿ ಪಾರಾಗಿದ್ದಾನೆ ಎಂದು ವೈದ್ಯರು ತಿಳಿಸಿದ್ದಾರೆ. ದಾಲ್ ಸುರಿದ ಸಿಬ್ಬಂದಿಯ ವಿರುದ್ಧ ಪ್ರಕರಣ ದಾಖಲಾಗಿದೆ.