ನವದೆಹಲಿ; ಪೆಟ್ರೋಲ್ ಮತ್ತು ಡೀಸೆಲ್ ದರ ಗಗನಕ್ಕೇರುತ್ತಿದ್ದು, ಸತತ ಐದನೇ ದಿನ ಪ್ರತೀ ಲೀಟರ್ ತೈಲ ಬೆಲೆಯಲ್ಲಿ ಏರಿಕೆಯಾಗಿದೆ. 

ರಾಜಧಾನಿ ದೆಹಲಿಯಲ್ಲಿ ಪ್ರತೀ ಲೀಟರ್ ಪೆಟ್ರೋಲ್ ರೂ.76.36 ಇದ್ದು, ಮುಂಬೈ, ಚೆನ್ನೈ ಮತ್ತು ಕೋಲ್ಕತಾದಲ್ಲಿ ಕ್ರಮವಾಗಿ ರೂ. 83.75, ರೂ. 79.25, ರೂ. 79.03 ಆಗಿದೆ. 

ಇದರಂತೆ ಡೀಸೆಲ್ ದರ ಕೂಡ ಏರಿಕೆಯಾಗಿದ್ದು, ದೆಹಲಿಯಲ್ಲಿ ಇಂದಿನ ಡೀಸೆಲ್ ಬೆಲೆ ರೂ. 68.07 ಆಗಿದೆ. ಮುಂಬೈನಲ್ಲಿ ರೂ. 72.23, ಕೋಲ್ಕತಾದಲ್ಲಿ ರೂ. 70.62, ಚೆನ್ನೈನಲ್ಲಿ ರೂ.71.85 ಆಗಿದೆ. 

ಇನ್ನು ಬೆಂಗಳೂರಿನಲ್ಲಿಯೂ ಪೆಟ್ರೋಲ್ ಮತ್ತು ಡೀಸೆಲ್ ದರಗಳು ಹೆಚ್ಚಳವಾಗಿದ್ದು, ಪ್ರತಿ ಲೀಟರ್ ಪೆಟ್ರೋಲ್ ಬೆಗೆ 15 ಪೈಸೆ ಏರಿಕೆಯಾಗಿದೆ. ಬೆಲೆ ಏರಿಕೆಯಿಂದಾಗಿ ಇಂದಿನ ಪೆಟ್ರೋಲ್ ದರ ರೂ.77.36 ಆಗಿದ್ದು, ಡೀಸೆಲ್ ದರ ರೂ.68.84 ಆಗಿದೆ. ನೂತನ ದರಗಳು ಇಂದು ಬೆಳಿಗ್ಗೆ 6 ಗಂಟೆಯಿಂದಲೇ ಜಾರಿಯಾಗಿದೆ.