ತೂತುಕುಡಿ(ತಮಿಳುನಾಡು): ತೂತುಕುಡಿಯಲ್ಲಿ  ಸ್ಟೆರ್ಲೈಟ್ ತಾಮ್ರ ಘಟಕದ ಕಾರ್ಯನಿರ್ವಹಣೆಯನ್ನು ವಿರೋಧಿಸಿ ರೈತರು ಹಿಂಸಾತ್ಮಕ ಪ್ರತಿಭಟನೆ ನಡೆಸಿದ  ವೇಳೆ ಪೋಲೀಸ್ ಗೊಲಿಬಾರ್ ನಲ್ಲಿ 13 ಮಂದಿ ಬಲಿಯಾಗಿದ್ದ ಘಟನೆ ಸಂಬಂಧ ಜೂನ್ 6ರೊಳಗೆ ವಿವರಣೆ ನೀಡಬೇಕೆಂದು ಮದ್ರಾಸ್​ ಹೈಕೋರ್ಟ್ ಶುಕ್ರವಾರ​ ತಮಿಳುನಾಡು ಸರ್ಕಾರಕ್ಕೆ ನಿರ್ದೇಶಿಸಿದೆ. 

ತೂತುಕುಡಿ ಘಟನೆ ಸಂಬಂಧ ಪೋಲೀಸ್ ಡಿಜಿಪಿ ವಿರುದ್ಧ ಕೊಲೆ ದೂರು ದಾಖಲಿಸುವಂತೆ ಹೈಕೋರ್ಟ್​ಗೆ ಸಲ್ಲಿಸಿದ್ದ ಅರ್ಜಿಯ ವಿಚಾರಣೆ ನಡೆಸಿದ ನ್ಯಾಯಾಲಯ ಸರ್ಕಾರಕ್ಕೆ ವರದಿ ಸಲ್ಲಿಸಲು ಸೂಚಿಸಿದೆ.

ತಾಮ್ರ ಘಟಕ ವಿಸ್ತರಣೆ ವಿರೋಧಿಸಿ ನಡೆದಿದ್ದ ಪ್ರತಿಭಟನೆ ವೇಳೆ ಪೋಲೀಸ್ ಗೋಲಿಬಾರ್ ನಡೆದ ಕಾರಣ 13 ಮಂದಿ ಸಾವನ್ನಪ್ಪಿದ್ದು 102 ಮಂದಿ ಗಾಯಗೊಂಡಿದ್ದರು.