ಡೆಹ್ರಾಡೂನ್ :  ಮಹಿಳಾ ವಕೀಲೆ , ಮಾಜಿ ನ್ಯಾಯಾಧೀಶರು ಸೇರಿದಂತೆ ಇನ್ನಿತರ ವಕೀಲರ ವಿರುದ್ಧ ಅವಹೇಳನಕಾರಿಯಾಗಿ ಮಾತನಾಡಿದ್ದ  ಆರೋಪದ ಮೇರೆಗೆ ಉತ್ತರ ಖಂಡ್ ನ ಹೈಕೋರ್ಟ್  ನ್ಯಾಯಾಧೀಶ ಲೋಕಪಾಲ್ ಸಿಂಗ್ ವಿರುದ್ಧ ನ್ಯಾಯಾಂಗ ನಿಂದನೆ ದೂರು ದಾಖಲಾಗಿದೆ.

 ವಕೀಲ ಸಿ. ಕೆ. ಶರ್ಮಾ ಎಂಬವರಿಂದ ಈ ಅರ್ಜಿ ಸಲ್ಲಿಕೆಯಾಗಿದ್ದು, ಈ ವಿಚಾರಕ್ಕೆ ಸಂಬಂಧಿಸಿದಂತೆ  ಸು ಮೊಟೊ ನೋಟಿಸ್ ಜಾರಿಗೊಳಿಸಬೇಕೆಂದು ಅವರು ಮನವಿ ಮಾಡಿಕೊಂಡಿದ್ದಾರೆ.

 ಜನವರಿ ತಿಂಗಳಲ್ಲಿ   ಲೋಕಪಾಲ್ ಸಿಂಗ್,  ನ್ಯಾಯಾಲಯದಲ್ಲಿಯೇ ಶರ್ಮಾ  ಅವರನ್ನು ಅವಮಾನಿಸಿದ್ದು,  ಜೈಲಿಗೆ ಕಳುಹಿಸುವುದಾಗಿ ಬೆದರಿಕೆ ಹಾಕಿದ್ದರು ಎಂಬಂತ ಮಾಹಿತಿ ತಿಳಿದುಬಂದಿದೆ.

ನ್ಯಾಯಾಧೀಶ  ಲೋಕಪಾಲ್ ಸಿಂಗ್ ಅವರ ವೈಯಕಿಕ್ತ ದ್ವೇಷಪೂರಿತ ಹೇಳಿಕೆಯನ್ನು  ಖಂಡಿಸಿ ಹೈಕೋರ್ಟ್  ವಕೀಲರು   ಪ್ರತಿಭಟನೆ ಕೂಡಾ ನಡೆಸಿದ್ದರು.