ನವದೆಹಲಿ: ಜೂನ್ 16ರಂದು ದೇಶಾದ್ಯಂತ ಈದ್ ಉಲ್ ಫಿತರ್ ಅನ್ನು ಆಚರಿಸಲಾಗುವುದು ಎಂದು ಜಮಾ ಮಸೀದಿಯ ಶಾಹಿ ಇಮಾಮ್ ಅಹ್ಮದ್ ಬುಕಾರಿ ಅವರು ಗುರುವಾರ ಹೇಳಿದ್ದಾರೆ.
ಇಂದು ದೇಶಾದ್ಯಂತ ಚಂದ್ರ ಕಾಣಿಸಿಕೊಳ್ಳುವ ಯಾವುದೇ ಸೂಚನೆ ಸಿಕ್ಕಿಲ್ಲ. ಹೀಗಾಗಿ ಶನಿವಾರ ರಂಜಾನ್ ಆಚರಿಸಲಾಗುವುದು ಎಂದು ಬುಕಾರಿ ತಿಳಿಸಿದ್ದಾರೆ.
ರಂಜಾನ್ ಮುಸ್ಲಿಮರ ಪವಿತ್ರ ತಿಂಗಳು ಮತ್ತು ಈ ಮಾಸವನ್ನು ‘ಕುರಾನಿನ ಮಾಸ’ವೆಂದು ಕರೆಯುವರು. ಕುರಾನ್ ನಂಬುವವರ ಪಾಲಿಗೆ ಈ ತಿಂಗಳನ್ನು ಕೃತಜ್ಞತೆಯ ತಿಂಗಳಾಗಿ ಮಾಡಲಾಗಿದೆ. ಇಡೀ ತಿಂಗಳಲ್ಲಿ ಉಪವಾಸ ವ್ರತವನ್ನಾಚರಿಸಲು ಆದೇಶಿಸಲಾಗಿದೆ.
ರಂಜಾನ್ ಮಾಸದ ಚಂದ್ರದರ್ಶನದೊಂದಿಗೆ ಆರಂಭವಾಗುವ ಉಪವಾಸವು ಶವ್ವಾಲ್ ತಿಂಗಳ ಚಂದ್ರ ದರ್ಶನದೊಂದಿಗೆ ಕೊನೆಗೊಳ್ಳುತ್ತದೆ.