ಚೆನ್ನೈ: ತಮಿಳುನಾಡು ಭಯೋತ್ಪಾದಕರನ್ನು ಉತ್ಪಾದನೆ ಮಾಡುವ ನೆಲೆಯಾಗುತ್ತಿದೆ ಎಂದು ಕೇಂದ್ರ ಸಚಿವ ಹಾಗೂ ಬಿಜೆಪಿ ಸಂಸದ ಪೊನ್ ರಾಧಾಕೃಷ್ಣನ್ ಹೇಳಿದ್ದಾರೆ.

ತಮಿಳುನಾಡಿನ ಏಕೈಕ ಬಿಜೆಪಿ ಸಂಸದರಾಗಿರುವ ರಾಧಾಕೃಷ್ಣನ್  ನಕ್ಸಲರು ಮತ್ತು ಮಾವೋವಾದಿಗಳ ನುಸುಳುವಿಕೆ ಬಗ್ಗೆ ಗಂಭೀರ ಆರೋಪ ಮಾಡಿದ್ದಾರೆ.

ತಾವು ಈ ಸಂಬಂಧ ರಾಜ್ಯ ಸರ್ಕಾರಕ್ಕೆ ಎಚ್ಚರಿಕೆ ನೀಡುತ್ತಿರುವುದಾಗಿ ಹೇಳಿದ್ದಾರೆ, ತಮಿಳುನಾಡು ರಾಜ್ಯ. ಉಗ್ರಗಾಮಿಗಳ ರಾಜ್ಯವಾಗುತ್ತಿದೆ ಎಂಬುದಕ್ಕೆ ಜಲ್ಲಿಕಟ್ಟು ಪ್ರತಿಭಟನೆ ವೇಳೆ ನಾನು ಕಂಡ ದೃಶ್ಯ ಸಾಕ್ಷಿಯಾಗಿದೆ, ಕಳೆದ ಒಂದೂವರೆ ವರ್ಷದಿಂದ ನಾನು ಇದನ್ನು ಹೇಳುತ್ತಾ ಬಂದಿದ್ದೇನೆ, ಆದರೆ ಯಾರೋಬ್ಬರು ಇದನ್ನು ಗಂಭೀರವಾಗಿ ಪರಿಗಣಿಸುತ್ತಿಲ್ಲಿ ಎಂದು ತಿಳಿಸಿದ್ದಾರೆ. 

ಬೆಟ್ಟ ಗುಡ್ಡ ಪ್ರದೇಶಗಳಲ್ಲಿ ನಕ್ಸಲ್ ತರಬೇತಿ ಕೇಂದ್ರ ನಡೆಯುತ್ತಿವೆ, ಇದರ ವಿರುದ್ಧ ಸರ್ಕಾರ ಏಕೆ ಕ್ರಮ ಕೈಗೊಳ್ಳುತ್ತಿಲ್ಲ ಎಂದು ಪ್ರಶ್ನಿಸಿದ್ದಾರೆ.