ಬೆಂಗಳೂರು: ಬಸ್ ನಿಲ್ದಾಣದಿಂದ ಮೆಟ್ರೋ ಸ್ಟೇಷನ್ ಗೆ ತೆರಳಲು ಬೈಸಿಕಲ್ ಮತ್ತು ಬೈಕ್ ಗಳನ್ನು ಬಾಡಿಗೆಗೆ ನೀಡುವ ಹೊಸ ಸೇವೆಗೆ ಸಚಿವ ಎಚ್.ಎಂ ರೇವಣ್ಣ ಚಾಲನೆ ನೀಡಿದ್ದಾರೆ.

ಬುಧಾವರ ಶಾಂತಿನಗರ ಬಿಎಂಟಿಸಿ ಬಸ್ ನಿಲ್ದಾಣದಲ್ಲಿ ಈ ಹೊಸ ಸೇವೆಗೆ ಚಾಲನೆ ನೀಡಿದ್ದಾರೆ. ಮೊದಲಿಗೆ ಮೂರು ತಿಂಗಳ ಕಾಲ ಟ್ರಯಲ್ ನೋಡಲಾಗುವುದು, ಪ್ರಮುಖ ಬಸ್ ನಿಲ್ದಾಣಗಳಲ್ಲಿ ಈ ಸೇವೆ ಲಭ್ಯವಾಗಲಿದೆ.

ಕೆಂಪೇಗೌಡ ಬಸ್ ನಿಲ್ದಾಣ, ಕೆ.ಆರ್ ಮಾರುಕಟ್ಟೆ ಬಸ್ ನಿಲ್ದಾಣಗಳಲ್ಲಿ ಸೇವೆ ಆರಂಭವಾಗಿದ್ದು, 1 ನಿಮಿಷಕ್ಕೆ 50 ಪೈಸೆ ಹಾಗೂ 1 ಕಿಮೀಗೆ 5 ರೂ ದರ ನಿಗದಿ ಪಡಿಸಲಾಗಿದೆ.  ಬಳಕೆದಾರರು ತಮ್ಮ ಮೊಬೈಲ್ ನಲ್ಲಿ ಆ್ಯಪ್ ದೌಡ ಲೋಡ್ ಮಾಡಿಕೊಂಡು, ತಮಗೆ ಹತ್ತಿರವಾದ ಸ್ಥಳದಿಂದ ಬುಕ್ ಮಾಡಬಹುದಾಗಿದೆ.