ನವದೆಹಲಿ: ಆ್ಯಪ್ ಬಳಕೆದಾರರ ಮಾಹಿತಿ ಸೋರಿಕೆ ವಿಚಾರಕ್ಕೆ ಸಂಬಂಧಿಸಿದಂತೆ ಕಾಂಗ್ರೆಸ್ ಮತ್ತು ಕಾಂಗ್ರೆಸ್ ನಡುವಿನ ಮಾಹಿತಿ ಜಟಾಪಟಿ ತಾರಕ್ಕೇರಿದ್ದು ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಪ್ರಧಾನಿ ನರೇಂದ್ರ ಮೋದಿಯನ್ನು ಬಿಗ್ ಬಾಸ್ ಎಂದು ಕರೆದರೇ ಇದಕ್ಕೆ ಪ್ರತಿಯಾಗಿ ಕೇಂದ್ರ ಸಚಿವೆ ಸ್ಮೃತಿ ಇರಾನಿ ರಾಹುಲ್ ಗಾಂಧಿಯನ್ನು ಉದ್ದೇಶಿಸಿ ಸಾಮಾನ್ಯ ಆ್ಯಪ್ ಗಳಲ್ಲೂ ಕೂಡ ಅನುಮತಿ ಕೇಳುವುದು ಛೋಟಾ ಭೀಮ್ ಗೂ ಕೂಡ ತಿಳಿದಿದೆ ಎಂದು ಹೇಳಿದ್ದಾರೆ. 

ಪ್ರಧಾನಿ ಅವರ ನಮೋ ಆ್ಯಪ್ ಮೂಲಕ ಬಳಕೆದಾರರ ಮಾಹಿತಿ ಕದಿಯಲಾಗುತ್ತಿದೆ ಎಂದು ರಾಹುಲ್ ಗಾಂಧಿ ಆರೋಪಿಸಿದ್ದರು. ನಮೋ ಆ್ಯಪ್ ರಹಸ್ಯವಾಗಿ ನಿಮ್ಮ ಆಡಿಯೋ, ವಿಡಿಯೋ ಸ್ನೇಹಿತರು ಮತ್ತು ಕುಟುಂಬದವರ ಫೋನ್ ನಂಬರ್ ಕದಿಯುತ್ತಿದೆ. ಮೋದಿ ಅವರು ಭಾರತೀಯರ ಮೇಲೆ ರಹಸ್ಯ ಕಣ್ಣಿಟ್ಟಿರುವ ಬಿಗ್ ಬಾಸ್ ಎಂದು ರಾಹುಲ್ ಗಾಂಧಿ ಟ್ವೀಟ್ ಮಾಡಿದ್ದರು.

ಇದಕ್ಕೆ ಸ್ಮೃತಿ ಇರಾನಿ ಆ್ಯಪ್ ಇನ್ ಸ್ಟಾಲೆಷನ್ ವೇಳೆ ಸಾಮಾನ್ಯ ಪರ್ಮಿಷನ್ ಗಳನ್ನು ಕೇಳುವುದು ಮಾಹಿತಿ ಕದಿಯುವಿಕೆಗೆ ಸಮನಲ್ಲ ಎಂದು ರಾಹುಲ್ ಗಾಂಧಿ "ಛೋಟಾ ಭೀಮ್" ಗೂ ಗೊತ್ತಿರುವ ವಿಷಯ ಎಂದು ಟ್ವೀಟಿಸಿದ್ದಾರೆ.