ನವದೆಹಲಿ: ಗಗನಸಖಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪದಡಿಯಲ್ಲಿ 62 ವರ್ಷದ ಪುಣೆಯ ಉದ್ಯಮಿಯೊಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ. 

ಏರ್ ವಿಸ್ತಾರ ವಿಮಾನದ ಗಗನಸಖಿಯೊಂದಿಗೆ ಅನುಚಿತವಾಗಿ ವರ್ತಿಸಿದ ಆರೋಪದ ಮೇಲೆ ಉದ್ಯಮಿ ರಾಜೀವ್ ವಸಂತ್ ದಾನಿ ಎಂಬುವರನ್ನು ಪೊಲೀಸರು ಬಂಧಿಸಿದ್ದಾರೆ. 

ಮಾರ್ಚ್ 24ರಂದು ಲಖನೌ-ದೆಹಲಿ ನಡುವೆ ಸಂಚರಿಸುವ ಏರ್ ವಿಸ್ತಾರ ಸಂಸ್ಥೆಯ ವಿಮಾನದಲ್ಲಿ ಈ ಘಟನೆ ನಡೆದಿದೆ. ದೆಹಲಿಯ ಟಿ3 ಟರ್ಮಿನಲ್ ನಲ್ಲಿ ವಿಮಾನದಿಂದ ಇಳಿಯುತ್ತಿರುವಾಗ ರಾಜೀವ್ ಗಗನಸಖಿಯೊಬ್ಬರನ್ನು ಅನುಚಿತವಾಗಿ ಸ್ಪರ್ಶಿಸಿದ್ದಾರೆ. 

ಈ ಕುರಿತು ಗಗನಸಖಿ ನೀಡಿದ ದೂರಿನ ಅನ್ವಯ ವಿಮಾನ ನಿಲ್ದಾಣದಲ್ಲೇ ರಾಜೀವ್ ವಸಂತ್ ದಾನಿಯನ್ನು ಪೊಲೀಸರು ಬಂಧಿಸಿದ್ದಾರೆ.