ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಎನ್ಡಿಎ ಸರ್ಕಾರ ಅಧಿಕಾರಕ್ಕೆ ಬಂದು ನಾಲ್ಕು ವರ್ಷ ಪೂರೈಸಿದ್ದು ಇನ್ನು ನಾಲ್ಕು ವರ್ಷಗಳ ಮೋದಿ ಸರ್ಕಾರದ ಆಡಳಿತದ ಪರ ಶೇಖಡ 57ರಷ್ಟು ಜನರು ತೃಪ್ತಿ ಹೊಂದಿದ್ದಾರೆ ಎಂಬ ಅಂಶ ಸರ್ವೇಯೊಂದರಲ್ಲಿ ಬಹಿರಂಗಗೊಂಡಿದೆ. 

ಜಾಗತಿಕ ಮಟ್ಟದಲ್ಲಿ ಭಾರತದ ಚಿತ್ರಣ ಬದಲಾವಣೆ, ಪಾಕಿಸ್ತಾನದೊಂದಿಗೆ ನಿರ್ವಹಣೆ, ಭಯೋತ್ಪಾದನೆ ವಿರುದ್ಧ ಹೋರಾಟ, ಮೂಲಭೂತ ಸೌಕರ್ಯ ಅಭಿವೃದ್ಧಿ ಮತ್ತು ತೆರಿಗೆ ಕಿರಿಕಿರಿಯನ್ನು ಕಡಿಮೆ ಮಾಡಿರುವುದು ಇದೇ ವಿಷಯಗಳನ್ನು ಮುಂದಿಟ್ಟುಕೊಂಡು ಆನ್ ಲೈನ್ ಕಮ್ಯುೂನಿಟಿ ವೆಬ್ ಸೈಟ್ ನಡೆಸಿದ ಜನಾಭಿಪ್ರಾಯ ಸಂಗ್ರಹಣೆಯಲ್ಲಿ ಈ ಅಂಶ ಬೆಳಕಿಗೆ ಬಂದಿದೆ. 

ಕಳೆದ ನಾಲ್ಕು ವರ್ಷದಲ್ಲಿ ಎನ್ಡಿಎ ಸರ್ಕಾರದಲ್ಲಿ ವಿಶ್ವ ಮಟ್ಟದಲ್ಲಿ ಭಾರತದ ಚಿತ್ರಣ ಬದಲಾವಣೆ ಮತ್ತು ಪ್ರಭಾವದ ಕುರಿತಂತೆ ಶೇಖಡ 82ರಷ್ಟು ಜನರು ಸಹ ಮತ ವ್ಯಕ್ತಪಡಿಸಿದ್ದಾರೆ. 

ಮಹಿಳಾ ಮತ್ತು ಮಕ್ಕಳ ವಿರುದ್ಧ ಅಪರಾಧ ನಿಗ್ರಹ, ಉದ್ಯೋಗಾವಕಾಶ ಸೃಷ್ಟಿ, ರೈತರ ಜೀವನವನ್ನು ಸುಧಾರಿಸುವುದು, ಜೀವನ ವೆಚ್ಚ ಮತ್ತು ಆರೋಗ್ಯ ಕಡಿಮೆ ಮಾಡುವುದು ಕುರಿತಂತೆ  ಕೇಂದ್ರ ಸರ್ಕಾರವು ಪರ ಕಡಿಮೆ ಪ್ರಮಾಣದ ಅಭಿಪ್ರಾಯ ವ್ಯಕ್ತವಾಗಿದೆ. 

ಇನ್ನು ಜೀವನದ ಗುಣಮಟ್ಟದ ಪ್ರಮುಖ ಸೂಚಕವೆಂದರೆ ಮನೆಯ ಬಜೆಟ್ ಮೇಲಿನ ಬೆಲೆ ಕುರಿತಂತೆ ಶೇಕಡಾ 60 ರಷ್ಟು ಜನರು ಅವಶ್ಯಕ ಸರಕುಗಳ ಬೆಲೆ ಮತ್ತು ಜೀವನ ವೆಚ್ಚ ಕಡಿಮೆಯಾಗುವುದಿಲ್ಲ ಎಂದು ಹೇಳಿದರು. ಎನ್ಡಿಎ ಸರ್ಕಾರದ ಕಳೆದ ನಾಲ್ಕು ವರ್ಷಗಳಲ್ಲಿ ಅಗತ್ಯ ಸರಕುಗಳ ಬೆಲೆ ಇಳಿಮುಖವಾಗಿದೆ ಎಂದು 33 ಶೇ. ನಾಗರಿಕರು ಮಾತ್ರ ನಂಬುತ್ತಾರೆ.