ದೆಹಲಿ: ರಾಷ್ಟ್ರ ರಾಜಧಾವನಿ ದೆಹಲಿಯ ವಸಂತ್ ಕುಂಜ್ ನಲ್ಲಿ ಗುರುವಾರ ಬೆಳಿಗ್ಗೆ ನಡೆದ ಅವಳಿಕೊಲೆ ಬೆಚ್ಚಿಬೀಳಿಸಿದೆ. ಐವತ್ತು ವರ್ಷ ವಯಸ್ಸಿನ ಮಾಲಾ ಲಖನಿ ಮತ್ತು ಆಕೆಯ ಮನೆಕೆಲಸದಾಕೆಯನ್ನು ದುಷ್ಕರ್ಮಿಗಳು ಕೊಂದಿದ್ದಾರೆ.
ಬೆಳಿಗ್ಗಿನ ಜಾವ ಸುಮಾರು ಮೂರು ಗಂಟೆಯ ಸಮಯದಲ್ಲಿ ಮಾಲಾ ಲಖನಿ ಮನೆಯಿಂದ ಜೋರಾಗಿ ಗಲಾಟೆಗಳು ಕೇಳಿಸಿವೆ. ಇದರಿಂದ ಆತಂಕಗೊಂಡ ನೆರೆಹೊರೆಯವರು ಪೊಲೀಸರಿಗೆ ವಿಷಯ ತಿಳಿಸಿದ್ದಾರೆ.
ವಸಂತ್ ಎನ್ ಕ್ಲೇವ್ ಅಪಾರ್ಟ್ ಮೆಂಟಿನ ಎ ಬ್ಲಾಕ್ ನಲ್ಲಿದ್ದ ಮಾಲಾ ಲಖನಿ ಮನೆಗೆ ಪೊಲೀಸರು ಆಗಮಿಸುವ ಹೊತ್ತಿಗೆ ಅವಳಿ ಕೊಲೆ ನಡೆದಿದೆ
ಮಾಲಾ ಅವರ ಮೃತದೇಹ ಅವರ ಬೆಡ್ ರೂಂ ನಲ್ಲಿ ಪತ್ತೆಯಾದರೆ, ಕೆಲಸದಾಕೆಯ ಮೃತದೇಹ ಹಾಲ್ ನಲ್ಲಿ ಪತ್ತೆಯಾಗಿದೆ.
ದರೋಡೆಗೆ ಬಂದಿದ್ದವರು ಈ ಕೃತ್ಯ ಎಸಗಿರಬಹುದು ಎಂದು ಶಂಕಿಸಲಾಗಿದ್ದು, ಮೂವರು ಶಂಕಿತ ಆರೋಪಿಗಳನ್ನು ಬಂಧಿಸಲಾಗಿದೆ.