ಮುಂಬೈ: ಮುಂಬೈ ಸಮೀಪದ  ರೈಲು ನಿಲ್ದಾಣದಲ್ಲಿ ಹಳಿ ದಾಟುತ್ತಿದ್ದ ಬಾಲಕಿಯನ್ನು ರೈಲು ಬರುವ ಕೆಲವೇ ಸೆಕೆಂಡ್ ಗಳ  ಅಂತರದಲ್ಲಿ  ಪವಾಡ ಸದೃಶ್ಯ ರೂಪದಲ್ಲಿ ಪೊಲೀಸರು ಕಾಪಾಡಿದ್ದಾರೆ.

ನವಿ ಮುಂಬೈಯ ಜುಹಿನಗರ್ ದಲ್ಲಿನ  ರೈಲ್ವೆ ನಿಲ್ದಾಣದಲ್ಲಿ ಈ ಘಟನೆ ನಡೆದಿದೆ. ಫ್ಲಾಟ್ ಪಾರ್ಮ್ ನಲ್ಲಿ ಇಳಿದ ಬಾಲಕಿ  ಎದುರಿನ ಪ್ಲಾಟ್ ಫಾರ್ಮ್ ಗೆ ತೆರಳಲು ಹಳಿ ದಾಟುತ್ತಿದ್ದಾಗ  ಇನ್ನೇನೂ ರೈಲು ಬಂದೇ ಬಿಟ್ಟಿತ್ತು ಎನ್ನುವಷ್ಟರಲ್ಲಿ ಬಾಲಕಿಯನ್ನು ಪೊಲೀಸ್ ಸಿಬ್ಬಂದಿಯೊಬ್ಬರು ರಕ್ಷಿಸಿದ್ದಾರೆ. ಇದು ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಫ್ಲಾಟ್  ಪಾರ್ಮ್ ನಲ್ಲಿನ  ಬೆಂಚ್ ಮೇಲೆ ಕುಳಿತಿದ್ದ ಪೊಲೀಸ್  ಓಡೋಡಿ ಬಂದು  ಬಾಲಕಿ ಮೇಲೆ ಹತ್ತಲು ನೆರವಾಗಿದ್ದಾರೆ. ನಂತರ ರೈಲು ಸಂಚರಿಸಿದೆ.

ಕೆಲವು ದಿನಗಳ ಹಿಂದೆ ಮುಂಬೈ ರೈಲು ನಿಲ್ದಾಣದಲ್ಲಿ  17 ವರ್ಷದ ಬಾಲಕಿ ಇಂತಹುದೇ ರೀತಿಯಲ್ಲಿ ಪ್ರಾಣಪಾಯದಿಂದ ಪಾರಾಗಿದ್ದರು. ಆಕೆಯ ಟಿ ಶರ್ಟಿನಿಂದ ಸಹ ಪ್ರಯಾಣಿಕರು  ಆಕೆಯನ್ನು ಎಳೆದಿದ್ದರು. ಈ ವಿಡಿಯೋ ವೈರಲ್ ಆಗಿತ್ತು.