ಗೇ ಪಾರ್ಟಿಗಳನ್ನು ಆಯೋಜನೆ ಮಾಡುತ್ತಿದ್ದ ಉದ್ಯಮ ಹೊಂದಿದ್ದ ಆಮ್ ಆದ್ಮಿ ಪಕ್ಷದ ಕಾರ್ಯಕರ್ತನ ಏಳಿಗೆಯನ್ನು ಸಹಿಸಲಾಗದೇ ಆತನ ಲಿವ್-ಇನ್ ರಿಲೇಷನ್  ಪಾರ್ಟರ್ ಆತನನ್ನು ಹತ್ಯೆ ಮಾಡಿದ್ದಾನೆ ಎಂದು ಪೊಲೀಸರು ಹೇಳಿದ್ದಾರೆ. ಮೃತ ವ್ಯಕ್ತಿ ನವೀನ್ ದಾಸ್ ತಯ್ಯಾಬ್ ಅಲಿಯಾಸ್ ಆದಿ ಎಂಬ ವ್ಯಕ್ತಿಯಿಂದ ಮೃತಪಟ್ಟಿದ್ದಾರೆ. ನವೀನ್ ದಾಸ್ ಬಳಿ ಇದ್ದ ಹಣ ದೋಚಿ ಲಿವ್ ಇನ್ ರಿಲೇಷನ್ ಶಿಪ್ ನಿಂದ ಕಳಚಿಕೊಳ್ಳುವುದು ಆರೋಪಿಯ ಉದ್ದೇಶವಾಗಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ. 

ನವೀನ್ ಹತ್ಯೆಗಾಗಿ ತನ್ನ ಸಹೋದರ ತಲೀಬ್ ಹಾಗೂ ಸಮರ್ ಖಾನ್ ಎಂಬ ವ್ಯಕ್ತಿಗಳ ಸಹಾಯ ಪಡೆದುಕೊಂಡ ತಯ್ಯಾಬ್ ಅ.05 ರಂದು ನವೀನ್ ಗೆ ಕರೆ ಮಾಡಿ ಯಾವುದೋ ಕೆಲಸಕ್ಕೆ 5 ಲಕ್ಷ ರೂಪಾಯಿಗಳನ್ನು ತನ್ನ ಖಾತೆಗೆ ವರ್ಗಾವಣೆ ಮಾಡುವುದಕ್ಕಾಗಿ ಹೇಳಿದ್ದಾನೆ, ಆದರೆ ಸ್ವಲ್ಪವೂ ಯೋಚನೆ ಮಾಡದ ನವೀನ್ 2 ಲಕ್ಷ ರೂಪಯಿಗಳನ್ನು ನೀಡಿದ್ದ ಈ ಬಳಿಕ ಭೋವಪುರ್ ಏರಿಯಾಗೆ ಬರುವಂತೆ ನವೀನ್ ಗೆ ತಯ್ಯಾಬ್ ಸೂಚಿಸಿದ್ದಾನೆ, ನವೀನ್ ಅಲ್ಲಿಗೆ ಬರುತ್ತಿದ್ದಂತೆಯೇ ಆತನಿಗೆ ಮದ್ಯವನ್ನು ಕುಡಿಸಿ ಕಾರಿನಲ್ಲಿ ಕೂರಿಸಿದ್ದಾರೆ. ನಂತರ ಕಾರ್ ನ್ನು ಲಾಕ್ ಮಾಡಿ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿ ಹತ್ಯೆ ಮಾಡಿದ್ದಾರೆ.