ಚೆನ್ನೈ: ತಮಿಳುನಾಡು ಮಾಜಿ ಮುಖ್ಯಮಂತ್ರಿ ದಿ.ಜೆ.ಜಯಲಲಿತಾ ಅವರ ಸ್ಮಾರಕದ ಮುಂದೆ ಮಂಡಿಯೂರಿ ಕ್ಷಮೆಯಾಚಿಸಿದರೆ ಮರಳಿ ಪಕ್ಷಕ್ಕೆ ಸೇರಿಸಿಕೊಳ್ಳಲಾಗುವುದು ಎಂದು ಎಐಎಡಿಎಂಕೆ ಅನರ್ಹಗೊಂಡ 18 ಶಾಸಕರಿಗೆ ಹೇಳಿದೆ.

2016ರಲ್ಲಿ ಗೆದ್ದ ಈ 18 ಶಾಸಕರ ಗೆಲುವನ್ನು ಜಯಲಲಿತಾ ಅವರಿಗೆ ಅರ್ಪಿಸಿ, ಬಂಡಾಯ ನಾಯಕ ಟಿಟಿವಿ ದಿನಕರನ್ ಜೊತೆ ಗುರುತಿಸಿಕೊಂಡಿದ್ದಕ್ಕೆ ತೀವ್ರ ಪಶ್ಚಾತ್ತಾಪ ಪಟ್ಟುಕೊಂಡು ಪಕ್ಷ ಸಂಘಟನೆಗೆ ಮರಳುವಂತೆ ಎಐಎಡಿಎಂಕೆ ಮುಖವಾಣಿ ನಮಧು ಅಮ್ಮದಲ್ಲಿ ಸೂಚಿಸಲಾಗಿದೆ.

ಪಕ್ಷ ವಿರೋಧಿ ಚಟುವಟಿಕೆ ಆರೋಪದ ಮೇಲೆ ಎಐಎಡಿಎಂ​ಕೆ 18 ಶಾಸಕರನ್ನು ಅನರ್ಹಗೊಳಿಸಿದ್ದ ಸ್ಪೀಕರ್ ಕ್ರಮವನ್ನು ಮದ್ರಾಸ್​ ಹೈಕೋರ್ಟ್​ ಎತ್ತಿಹಿಡಿದಿದೆ. ಇದರಿಂದಾಗಿ ಟಿಟಿವಿ ದಿನಕರನ್​ ಗುಂಪಿಗೆ ಭಾರೀ ಹಿನ್ನಡೆ ಯಾಗಿದೆ.