ನವದೆಹಲಿ: ದೆಹಲಿಯ ಜವಹರಲಾಲ್ ನೆಹರು ವಿಶ್ವವಿದ್ಯಾಲಯದ(ಜೆಎನ್ ಯು) ವಿದ್ಯಾರ್ಥಿ ಸಂಘದ ಚುನಾವಣೆಗಾಗಿ ಎಬಿವಿಪಿ ಪ್ರಣಾಳಿಕೆ ಎನ್ನಲಾದ ಪೋಸ್ಟರ್ ಗಳಲ್ಲಿ ಮಹಿಳೆಯರ ತುಂಡುಡುಗೆ, ಮಾಂಸಹಾರಕ್ಕೆ ನಿಷೇಧ ಹಾಗೂ ರಾಷ್ಟ್ರೀಯ ವಿರೋಧಿ ಒಕ್ಕಟೂಗಳಿಂದ ವಿವಿಯ ರಕ್ಷಣೆ ಭರವಸೆ ನೀಡಲಾಗಿದೆ.

ಇದೀಗ ಸಾಮಾಜಿಕ ತಾಣದಲ್ಲಿ ಈ ಪೋಸ್ಟರ್ ಗಳು ವೈರಲ್ ಆಗಿದೆ. ಆದರೆ ಎಬಿವಿಪಿ ಈ ಪೋಸ್ಟರ್ ಗಳು ತನ್ನದಲ್ಲ ಎಂದು ನಿರಾಕರಿಸಿದೆ.

ಈ ಕುರಿತು ಮಾಧ್ಯಮಕ್ಕೆ ಪ್ರತಿಕ್ರಿಯಿಸಿದ ಎಬಿವಿಪಿಯ ಸೌರಭ್ ಶರ್ಮಾ ಅವರು, ನಮ್ಮನ್ನು ಕಂಡು ಭಯಗೊಂಡಿರುವ ಎಡ ಪಕ್ಷಗಳು ನಮ್ಮ ವಿರುದ್ಧ ಅಪಪ್ರಚಾರ ಮಾಡುತ್ತಿವೆ. ಇಂತಹ ಪ್ರಣಾಳಿಕೆಯನ್ನು ನಾವು ಹೊರಡಿಸಿಲ್ಲ ಎಂದಿದ್ದಾರೆ.

ರಾತ್ರಿ ವೇಳೆ ಹುಡುಗಿಯರ ಗ್ರಂಥಾಲಯ ಪ್ರವೇಶಾವಧಿ ಕಡಿತ, ಭಾರತೀಯ ಸಂಪ್ರದಾಯದ ಉಡುಗೆಗೆ ಆದ್ಯತೆ, ಹುಟ್ಟು ಹಬ್ಬ ಆಚರಣೆಗೆ ಕಡಿವಾಣ, ಹುಡುಗರ ವಿದ್ಯಾರ್ಥಿ ನಿಲಯಕ್ಕೆ ಹುಡುಗಿಯರಿಗೆ ನಿಷೇಧ ಸೇರಿದಂತೆ ಹಲವು ಭರವಸೆಗಳನ್ನು ಪೋಸ್ಟರ್ ನಲ್ಲಿ ಬರೆಯಲಾಗಿದೆ.