ರಾಬರ್ಟ್ ವಾದ್ರಾ, ಪ್ರಿಯಾಂಕಾ ಗಾಂಧಿ ವಾದ್ರಾ
ನವದೆಹಲಿ: ಅಧಿಕೃತವಾಗಿ ಕಾಂಗ್ರೆಸ್ ಸೇರ್ಪಡೆಯಾದ ನಂತರ ಉತ್ತರ ಪ್ರದೇಶದಲ್ಲಿ ರೋಡ್ ಶೋ ನಡೆಸುವ ಮೂಲಕ ಸಕ್ರಿಯ ರಾಜಕಾರಣಕ್ಕೆ ಎಂಟ್ರಿ ನೀಡಿರುವ ಪ್ರಿಯಾಂಕಾ ಗಾಂಧಿ ರಾಜಕೀಯ ಭವಿಷ್ಯ ಉತ್ತಮವಾಗಿರಲಿ ಎಂದು ಆಕೆಯ ಪತಿ ರಾಬರ್ಟ್ ವಾದ್ರಾ ಶುಭ ಹಾರೈಸಿದ್ದಾರೆ.
ಫೇಸ್ ಬುಕ್ ನಲ್ಲಿ ಶುಭ ಸಂದೇಶ ಹಾಕಿರುವ ರಾಬರ್ಟ್ ವಾದ್ರಾ, ತಮ್ಮಗೆ ಪರಿಪೂರ್ಣ ಪತ್ನಿ, ಉತ್ತಮ ಗೆಳತಿ ಹಾಗೂ ಮಕ್ಕಳಿಗೆ ಉತ್ತಮ ತಾಯಿಯಾಗಿರುವ ಪ್ರಿಯಾಂಕಾ, ದೇಶದ ಜನರ ಸೇವೆ ಹಾಗೂ ಉತ್ತರ ಪ್ರದೇಶದ ಉಸ್ತುವಾರಿ ಕಾರ್ಯ ವಹಿಸಿಕೊಳ್ಳುವ ಮೂಲಕ ಹೊಸ ಜೀವನ ಆರಂಭಕ್ಕೆ ಶುಭ ಹಾರೈಸುವುದಾಗಿ ಬರೆದುಕೊಂಡಿದ್ದಾರೆ.
ಬಹಳ ಪ್ರತೀಕಾರ ಮತ್ತು ಕೆಟ್ಟ ರಾಜಕೀಯ ವಾತಾವರಣವಿದೆ. ಆದರೆ, ಜನರ ಸೇವೆ ಹಾಗೂ ದೇಶದ ಸೇವೆ ಆಕೆಯ ಕರ್ತವ್ಯವೆಂಬುದು ನನ್ನಗೆ ಗೊತ್ತಿದೆ. ಆಕೆಯನ್ನು ಸುರಕ್ಷಿತವಾಗಿರಿಸಿಕೊಳ್ಳಿ ಎಂದು ಕೊನೆಯಲ್ಲಿ ನಮಸ್ತೆ ಎಂದು ಹೇಳಿ ಅಂತಿಮಗೊಳಿಸಿದ್ದಾರೆ.
ಬಿಕಾನೆರ್ ನಲ್ಲಿ ಅಕ್ರಮ ಭೂ ವಿವಾದಕ್ಕೆ ಸಂಬಂಧಿಸಿದಂತೆ ಜೈಪುರದಲ್ಲಿ ಇಂದು ರಾಬರ್ಟ್ ವಾದ್ರಾ ಮತ್ತು ಆತನ ತಾಯಿ ಮೌರೀನ್ ಜಾರಿ ನಿರ್ದೇಶನಾಲಯ ಅಧಿಕಾರಿಗಳ ಮುಂದೆ ವಿಚಾರಣೆಗೆ ಹಾಜರಾಗಿದ್ದರು.
ಕಳೆದ ವಾರ ದೆಹಲಿಯಲ್ಲಿನ ಇಡಿ ಕಚೇರಿಗೆ ರಾಬರ್ಟ್ ವಾದ್ರಾ ಅವರನ್ನು ಡ್ರಾಪ್ ಮಾಡಿದ್ದ ಪ್ರಿಯಾಂಕಾ,ತಮ್ಮ ಪತಿಯ ಬೆನ್ನೆಲುಬು ಆಗಿ ಇರುವುದಾಗಿ ಹೇಳಿಕೆ ನೀಡಿದ್ದರು.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos