ಮುಂಬೈ: ಕದ್ದು ಮುಚ್ಚಿ ಮಹಿಳೆ ಸ್ನಾನ ಮಾಡುತ್ತಿದ್ದ ದೃಶ್ಯವನ್ನು ದೃಶ್ಯವನ್ನು ಚಿತ್ರೀಕರಿಸುತ್ತಿದ್ದ ಪ್ರತಿಷ್ಠಿ ಭಾರತೀಯ ತಂತ್ರಜ್ಞಾನ ಸಂಸ್ಥೆ(ಐಐಟಿ ಬಾಂಬೆ)ಯ 34 ವರ್ಷದ ವಿದ್ಯಾರ್ಥಿಯನ್ನು ಸೋಮವಾರ ಪೊಲೀಸರು ಬಂಧಿಸಿದ್ದಾರೆ.
ಬಂಧಿತ ಆರೋಪಿಯನ್ನು ಥಾಣೆ ನಿವಾಸಿ ಅವಿನಾಶ್ ಕುಮಾರ್ ಯಾದವ್ ಎಂದು ಗುರುತಿಸಲಾಗಿದ್ದು, ಐಐಟಿ ವಿದ್ಯಾರ್ಥಿ ವಿರುದ್ಧ ಸೆಕ್ಷನ್ 345(ಯಾವುದೇ ವ್ಯಕ್ತಿ, ಯುವತಿ/ಮಹಿಳೆ ಸ್ನಾನ ಮಾಡುವುದು ಅಥವಾ ಖಾಸಗಿ ಕೆಲಸಗಳ ಚಿತ್ರೀಕರಣ ಐಪಿಸಿ ಪ್ರಕಾರ ಅಪರಾಧ ಕೃತ್ಯವಾಗಿದೆ)ರ ಪ್ರಕಾರ ಪ್ರಕರಣ ದಾಖಲಿಸಲಾಗಿದೆ.
ಕಳೆದ ಶುಕ್ರವಾರ ರಾತ್ರಿ ತಾನು ಸ್ನಾನ ಮಾಡುತ್ತಿದ್ದ ವೇಳೆ ಬಾತ್ ರೂಂನಲ್ಲಿ ಮೊಬೈಲ್ ಫೋನ್ ಇಟ್ಟಿರುವುದನ್ನು ಗಮನಿಸಿದ ಮಹಿಳೆ, ಈ ವಿಷಯವನ್ನು ಪತಿಗೆ ತಿಳಿಸಿದ್ದರು. ಈ ಸಂದರ್ಭದಲ್ಲಿ ಹೊರಗಡೆ ಬಂದಾಗ ಆರೋಪಿ ಹಿಂಬದಿಯಿಂದ ಓಡಿ ಹೋಗುತ್ತಿರುವುದನ್ನು ದಂಪತಿ ಗಮಿಸಿದ್ದರು ಎಂದು ಕಾಪುರ್ ಬೌಡಿ ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.
ಆರೋಪಿಯ ಮೊಬೈಲ್ ಫೋನ್ ನಲ್ಲಿ ಮಹಿಳೆಯರು, ಗಂಡಸರ ಕ್ಲಿಪ್ಪಿಂಗ್ಸ್ ಗಳಿದ್ದವು. ಆರೋಪಿಯನ್ನು ಸ್ಥಳೀಯರು ಪೊಲೀಸರ ವಶಕ್ಕೆ ಒಪ್ಪಿಸಿದ್ದು, ಈ ಕುರಿತು ದಂಪತಿ ಕಾಪುರ್ ಬೌಡಿ ಪೊಲೀಸರಿಗೆ ದೂರು ನೀಡಿದ್ದರು.