ಭೂಪಾಲ್ : ನಿಯತ್ತಿಗೆ ಮತ್ತೊಂದು ಹೆಸರೇ ಶ್ವಾನ. ಈ ಶ್ವಾನ ಹೇಗೆ ಉತ್ತಮ ಸ್ನೇಹಿತ ಎಂಬುದು ಮಧ್ಯಪ್ರದೇಶದಲ್ಲಿ ನಡೆದಿರುವ ಘಟನೆಯೊಂದು ಸ್ಪಷ್ಟ ನಿದರ್ಶನ ಎಂಬಂತಿದೆ. ಬೀದಿ ನಾಯಿಯೊಂದು 29 ವರ್ಷದ ಯುವತಿಯನ್ನು ಅತ್ಯಾಚಾರದಿಂದ ಕಾಪಾಡಿದೆ.
ಭೂಪಾಲ್ ನ ಚೊಲಾ ಬಡಾವಣೆಯ ಕಾಲೋನಿಯ ಮನೆಯೊಂದರಲ್ಲಿ ಭಾನುವಾರ ಮಧ್ಯಾಹ್ನ ಈ ಘಟನೆ ನಡೆದಿದೆ. ಮನೆಯಲ್ಲಿ ಒಬ್ಬಂಟಿಯಾಗಿದ್ದ ಯುವತಿಯನ್ನು ನೋಡಿದ ನೆರಮನೆಯ ಯುವಕ ಅತ್ಯಾಚಾರಕ್ಕೆ ಯತ್ನಿಸಿದ್ದಾನೆ. ಈ ಸಂದರ್ಭ ಮನೆಯೊಳಗೆ ಇದ್ದ ಬೀದಿ ನಾಯಿ ಶೆರು, ಕೀಚಕನ ಮೇಲೆ ಎರಗಿ, ಅಟ್ಟಿಸಿಕೊಂಡು ಹೋಗಿದೆ. ಆದರೆ, ದಾಳಿ ವೇಳೆಯಲ್ಲಿ ಅದಕ್ಕೂ ಸಾಕಷ್ಟು ಗಾಯವಾಗಿದೆ.
ನಂತರ ಆ ಯುವತಿ ಪೊಲೀಸರಿಗೆ ದೂರು ನೀಡಿದ್ದು, ಸುನೀಲ್ ಎಂಬ ನೆರಮನೆಯ ಯುವಕ ತನ್ನ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದ್ದಾಗಿ ದೂರಿನಲ್ಲಿ ತಿಳಿಸಿದ್ದಾಳೆ.
ಉದ್ಯೋಗ ಇಲ್ಲದೆ ಅಲೆಯುತ್ತಿದ್ದ ಆ ಯುವಕ ಆಗಾಗ್ಗೆ ತೊಂದರೆ ನೀಡುತ್ತಿದ್ದ ಎನ್ನಲಾಗಿದೆ. ಅಲ್ಲದೇ ಯುವತಿಯನ್ನು ರಕ್ಷಿಸಲು ಹೋದ ನಾಯಿ ಮೇಲೆ ಸುನೀಲ್ ಯಾವ ರೀತಿ ಗಾಯಗೊಳಿಸಿದ ಎಂಬುದನ್ನು ಕೂಡಾ ಪೊಲೀಸ್ ಅಧಿಕಾರಿಗಳಿಗೆ ಈ ಯುವತಿ ತಿಳಿಸಿದ್ದಾಳೆ.
ಬೀದಿನಾಯಿ ಶೆರು, ಯುವತಿಯನ್ನು ಅತ್ಯಾಚಾರದಿಂದ ರಕ್ಷಿಸಿದೆ. ಆರೋಪಿ ತಲೆಮರೆಸಿಕೊಂಡಿದ್ದು, ಆತನಿಗಾಗಿ ಹುಡುಕಾಟ ನಡೆಸಲಾಗುತ್ತಿದೆ.
ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿದ್ದು, ತನಿಖೆ ಮುಂದುವರೆದಿದೆ ಎಂದು ಚೋಲಾ ಪೊಲೀಸ ಠಾಣೆಯ ಸ್ಟೇಷನ್ ಅಧಿಕಾರಿ ರಾದೇಶ್ಯಾಮ್ ರಾಯ್ ಗಡ ತಿಳಿಸಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics