ಅಫ್ಘಾನಿಸ್ಥಾನ ವಿರುದ್ಧದ ಪಂದ್ಯದಲ್ಲಿ ಭಾರತ ಗೆಲುವಿನ ವಿಶ್ವಾಸವನ್ನು ಕಳೆದುಕೊಂಡಿತ್ತು. ಆದರೆ ಮೊಹಮ್ಮದ್ ಶಮಿ ಅವರ ಸೆನ್ಷೇನಲ್ ಹ್ಯಾಟ್ರಿಕ್ ವಿಕೆಟ್ ನಿಂದಾಗಿ ಪಂದ್ಯದ ದಿಕ್ಕೇ ಬದಲಾಗಿ ಭಾರತ ಜಯಗಳಿಸಿತ್ತು.
ಈಗ ಈ ಹ್ಯಾಟ್ರಿಕ್ ವಿಕೆಟ್ ಹಿಂದಿನ ಮಾಸ್ಟರ್ ಬ್ರೈನ್ ಯಾರದ್ದು ಎಂಬುದನ್ನು ಸ್ವತಃ ಮೊಹಮ್ಮದ್ ಶಮಿ ಅವರೇ ಬಹಿರಂಗಪಡಿಸಿದ್ದಾರೆ. ತಾವು ಹ್ಯಾಟ್ರಿಕ್ ವಿಕೆಟ್ ಪಡೆಯುವುದಕ್ಕೆ ಟೀಂ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರೇ ಕಾರಣ ಎಂಬುದನ್ನು ಶಮಿ ತಿಳಿಸಿದ್ದಾರೆ.
3 ವಿಕೆಟ್ ಗಳನ್ನು ಉಳಿಸಿಕೊಂಡಿದ್ದ ಅಫ್ಘಾನಿಸ್ಥಾನ ತಂಡಕ್ಕೆ ಕೊನೆಯ ಓವರ್ ನಲ್ಲಿ ಬೇಕಾಗಿದ್ದದ್ದು 16 ರನ್ ಗಳು ಈ ವೇಳೆ ತಮ್ಮ ಎಂದಿನ ಚಾಣಾಕ್ಷ ಸಲಹೆಯನ್ನು ಮಹೇಂದ್ರ ಸಿಂಗ್ ಧೋನಿ ಮೊಹಮ್ಮದ್ ಶಮಿಗೆ ನೀಡಿದ್ದರ ಫಲವಾಗಿ ಶಮಿ ಹ್ಯಾಟ್ರಿಕ್ ತೆಗೆಯುವಲ್ಲಿ ಯಶಸ್ವಿಯಾಗಿದ್ದಾರೆ.
ನಿರ್ಣಾಯಕ ಹಂತದಲ್ಲಿ ನನಗೆ ಯಾರ್ಕರ್ ಎಸೆಯುವಂತೆ ಮಹೇಂದ್ರ ಸಿಂಗ್ ಧೋನಿ ನನಗೆ ಸಲಹೆ ನೀಡಿದ್ದರು ಆದ್ದರಿಂದಲೇ ಹ್ಯಾಟ್ರಿಕ್ ಸಾಧನೆ ಸಾಧ್ಯವಾಯಿತು ಎಂದು ಶಮಿ ಹೇಳಿದ್ದಾರೆ.