ನವದೆಹಲಿ: ಭಾರತದಲ್ಲಿ ಇನ್ನೊಂದೇ ಒಂದು ಪುಲ್ವಾಮ ದಾಳಿ ಮಾದರಿಯ ದಾಳಿ ನಡೆದರೆ ನಮ್ಮ ಬಳಿ ಎಲ್ಲಾ ಆಯ್ಕೆಗಳೂ ಮುಕ್ತವಾಗಿವೆ ಎಂದು ಅಧಿಕಾರಿಗಳ ಮೂಲಗಳು ಪಾಕಿಸ್ತಾನಕ್ಕೆ ಖಡಕ್ ಎಚ್ಚರಿಗೆ ನೀಡಿದೆ.

ಉಗ್ರವಾದದ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವುದಕ್ಕೆ ಪಾಕಿಸ್ತಾನವನ್ನು ಆಗ್ರಹಿಸುವುದನ್ನು ಮುಂದುವರೆಸುವುದಾಗಿ ಹೇಳಿರುವ ಭಾರತ ಸರ್ಕಾರ, ಈ ಮಧ್ಯೆ ಪಾಕಿಸ್ತಾನದಿಂದ ಭಾರತದ ವಿರುದ್ಧ ಎಫ್-16 ಬಳಕೆ ಮಾಡಿರುವ ದಾಖಲೆಗಳನ್ನೂ ಅಮೆರಿಕಾಗೆ ತಲುಪಿಸಿದೆ. 

ಪಾಕಿಸ್ತಾನದ ಬಾಲಕೋಟ್ ನಲ್ಲಿ ವೈಮಾನಿಕ ದಾಳಿ ನಡೆಸಿದ ಬಳಿಕ ಭಾರತ ಪಾಕಿಸ್ತಾನದ ಮೇಲೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಒತ್ತಡ ಹೆಚ್ಚುವಂತೆ ಮಾಡುತ್ತಿದೆ. ಜೊತೆ ಜೊತೆಗೇ ತನ್ನ ಸೇನೆಯನ್ನೂ ಸನ್ನದ್ಧವಾಗಿಟ್ಟುಕೊಂಡಿದ್ದು, ಮತ್ತೊಂದು ಉಗ್ರ ದಾಳಿಗೆ ಅವಕಾಶ ನೀಡದೇ ಇರಲು ಕ್ರಮ ಕೈಗೊಂಡಿದೆ. ಆದರೆ ಪಾಕಿಸ್ತಾನ ತನ್ನ ಎಂದಿನ ಚಾಳಿಯನ್ನು ಮುಂದುವರೆಸಿದ್ದೇ ಆದಲ್ಲಿ ತನ್ನ ಮುಂದಿರುವ ಎಲ್ಲಾ ಆಯ್ಕೆಗಳಿಗೂ ಮುಕ್ತವಾಗಿದೆ ಎನ್ನುತ್ತಿದೆ ಭಾರತ ಸರ್ಕಾರ.