ನವದೆಹಲಿ: 2017-18 ಅವಧಿಯಲ್ಲಿ ಜೈಷ್ ಇ- ಮೊಹಮ್ಮದ್ ಸಂಘಟನೆಯಿಂದ ಏಳು ಬಾರಿ ಅಕ್ರಮವಾಗಿ ಉಗ್ರರನ್ನು ಭಾರತದೊಳಗೆ ನುಸುಳಿಸಲಾಗಿತ್ತು ಎಂದು ರಾಷ್ಟ್ರೀಯ ತನಿಖಾ ದಳ ಚಾರ್ಚ್ ಶೀಟ್ ನಲ್ಲಿ ತಿಳಿಸಿದೆ.

ಪಾಕಿಸ್ತಾನದ ಮೂಲದ ಜೈಷ್ -ಇ- ಮೊಹಮ್ಮದ್ ಉಗ್ರ ಸಂಘಟನೆ ಅಕ್ಟೋಬರ್ 23, 2017 ರಿಂದ ಸೆಪ್ಟೆಂಬರ್ 2018ರವರೆಗೂ ಭಾರತದೊಳಗೆ  ಏಳು ಬಾರಿ ತರಬೇತಿ ಪಡೆದ ಹಾಗೂ ಶಸ್ತ್ರ ಸಜ್ಜಿತ ಉಗ್ರರನ್ನು ನುಸುಳಿಸಲಾಗಿತ್ತು ಎಂದು ವಿಚಾರಣೆ ವೇಳೆಯಲ್ಲಿ ತಿಳಿದುಬಂದಿದೆ ಎಂದು ನ್ಯಾಯಾಲಯಕ್ಕೆ ಸಲ್ಲಿಸಲಾಗಿರುವ ಚಾರ್ಚ್ ಶೀಟ್ ನಲ್ಲಿ ಹೇಳಲಾಗಿದೆ.

ಕತ್ವಾ ಸಾಂಬಾ ವಲಯದಲ್ಲಿ ಅಂತಾರಾಷ್ಟ್ರೀಯ ಗಡಿಯಿಂದ ಅಕ್ರಮವಾಗಿ ಭಾರತದೊಳಗೆ ನುಸುಳಿಸಲಾಗುತಿತ್ತು.ಜಿಇಎಂ ಸಂಘಟನೆ ಭಾರತದ ವಿರುದ್ಧ ಯುದ್ಧಕ್ಕೆ ಪಿತೂರಿ ನಡೆಸಿತ್ತು ಎಂಬುದು  ತನಿಖೆ ವೇಳೆ ತಿಳಿಬಂದಿದೆ.