ಮುಂಬೈ: ಮಹಾರಾಷ್ಟ್ರ ವಿಧಾನಸಭಾ ಚುನಾವಣೆ ಕಣ ರಂಗೇರಿದ್ದು, ಅಭ್ಯರ್ಥಿಗಳು ಪ್ರಚಾರದಲ್ಲಿ ತೊಡಗಿದ್ದಾರೆ. ಈ ನಡುವೆ ಶಿವಸೇನೆಯ ಮುಂಬ್ರಾ-ಕಲ್ವಾ ವಿಧಾನಸಭಾ ಕ್ಷೇತ್ರದ ಅಭ್ಯರ್ಥಿ ಎರಡು ಪ್ರತ್ಯೇಕ ಏರಿಯಾಗಳಲ್ಲಿ ಬೇರೆ ಬೇರೆ ಹೆಸರಿನಲ್ಲಿ ಪ್ರಚಾರ ಮಾಡುತ್ತಿದ್ದಾರೆ. 

ಈ ವಿಧಾನಸಭಾ ಕ್ಷೇತ್ರದಿಂದ ಸ್ಪರ್ಧಿಸಿರುವ ದೀಪಾಲಿ ಭೋಸ್ಲೆ ಸೋಫಿಯಾ ಸಯೀದ್ ಎಂಬ ಹೆಸರಿನಿಂದಲೂ ಹೆಚ್ಚು ಪರಿಚಿತರು. ದೀಪಾಲಿ ಮರಾಠಿ ನಟಿಯಾಗಿದ್ದು, ವಿವಾಹದ ನಂತರ ಆಕೆಯ ಹೆಸರನ್ನು ಸೋಫಿಯಾ ಸಯೀದ್ ಎಂದು ಬದಲಾವಣೆ ಮಾಡಿಕೊಂಡಿದ್ದಾರೆ. 

ಹಿಂದೂಗಳ ಜನಸಂಖ್ಯೆ ಇರುವ ಪ್ರದೇಶದಲ್ಲಿ ಶಿವಸೇನೆಯ ಅಭ್ಯರ್ಥಿ ದೀಪಾಲಿ ಎಂಬ ಹೆಸರಿನಲ್ಲಿ ಪ್ರಚಾರ ಮಾಡುತ್ತಿದ್ದಾರೆ. ಮುಸ್ಲಿಮರು ಹೆಚ್ಚಿರುವ ಪ್ರದೇಶದಲ್ಲಿ ಸೋಫಿಯಾ ಎಂಬ ಹೆಸರಿನಲ್ಲಿ ಪ್ರಚಾರದಲ್ಲಿ ಭಾಗಿಯಾಗುತ್ತಿದ್ದಾರೆ. 

ನಾಮಪತ್ರದಲ್ಲಿ ದಾಖಲಾಗಿರುವ ಅಧಿಕೃತ ಹೆಸರು ದೀಪಾಲಿ ಸಯೀದ್, ಪ್ರಚಾರ ಪೋಸ್ಟರ್ ಗಳಲ್ಲಿ ದೀಪಾಲಿ ಭೋಸ್ಲೆ ಸಯೀದ್ ಎಂಬ ಹೆಸರು ಕಾಣಸಿಗುತ್ತವೆ. ಅ.21 ರಂದು ವಿಧಾನಸಭೆಗೆ ಮತದಾನ ನಡೆಯಲಿದ್ದು ಅ.24 ರಂದು ಮತ ಎಣಿಕೆ ನಡೆಯಲಿದೆ.