ಬುಲಂದ್ ಶಹರ್: ಮದುವೆ ಮನೆಯಲ್ಲಿ ವಧು ಮತ್ತು ವರನ ಕುಟುಂಬದ ಗುಂಪಿನ ನಡುವೆ ನಡೆದ ಜಗಳದಲ್ಲಿ ಮದುಮಗನ ತಂದೆ ಮೃತಪಟ್ಟಿರುವ ಘಟನೆ ನಡೆದಿದೆ ಎಂದು ಪೊಲೀಸ್ ಮೂಲಗಳು ಗುರುವಾರ ತಿಳಿಸಿವೆ.
ಬುಲಂದ್‌ಶಹರ್‌ನ ಗಜ್ರೌಲಾ ಪಟ್ಟಣದಿಂದ ಬುಧವಾರ ರಾತ್ರಿ ವಿವಾಹ ಮೆರವಣಿಗೆ ಬಂದಿತ್ತು. ವಧು ಮತ್ತು ಮದುಮಗನ ಕುಟುಂಬಗಳ ಜನರು ವಿವಿಧ ಹಾಡುಗಳಿಗೆ ನೃತ್ಯ ಮಾಡುತ್ತಿದ್ದರು. ನೃತ್ಯದ ಸಮಯದಲ್ಲಿ, ಎರಡೂ ಗುಂಪುಗಳು ಹಾಡಿನ ಬಗ್ಗೆ ವಾದಿಸಲು ಪ್ರಾರಂಭಿಸಿದವು ಎನ್ನಲಾಗಿದೆ.
ಏತನ್ಮಧ್ಯೆ, ಮದುಮಗನ ತಂದೆ ಹರ್ಪಾಲ್ ಸಿಂಗ್ ಅಲ್ಲಿಗೆ ತಲುಪಿ ಮಧ್ಯಸ್ಥಿಕೆ ವಹಿಸಲು ಪ್ರಯತ್ನಿಸಿದರು ಆದರೆ ವಧುವಿನ ಕುಟುಂಬದ ಹಲವಾರು ವ್ಯಕ್ತಿಗಳು ಆತನ ಮೇಲೆ ಹಲ್ಲೆ ನಡೆಸಿದಾಗ, ಪ್ರಜ್ಞೆ ತಪ್ಪಿ ಗಾಯಗೊಂಡು ಸಾವನ್ನಪ್ಪಿದ್ದಾರೆ.
ಹಿರಿಯ ಪೊಲೀಸ್ ವರಿಷ್ಠಾಧಿಕಾರಿ (ಎಸ್‌ಎಸ್‌ಪಿ) ಸಂತೋಷ್ ಕುಮಾರ್ ಸಿಂಗ್ ಮಾತನಾಡಿ, ಹರ್ಪಾಲ್ ಸಿಂಗ್ ಅವರ ಸಾವು ಹೃದಯಾಘಾತದಿಂದ ಸಂಭವಿಸಿದೆ ಎಂದು ತೋರುತ್ತದೆ. ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದ್ದು, ಇತರ ವಿವರಗಳು ವರದಿಯಿಂದ ಹೊರಬರಲಿದೆ ಎಂದಿದ್ದಾರೆ.