ಅಮರಾವತಿ: ಕೋವಿಡ್-19 ಸಂಬಂಧಿತ ಪ್ರಶ್ನೆಗಳಿಗೆ ಉತ್ತರಿಸಲು ಆಂಧ್ರಪ್ರದೇಶ ಸರ್ಕಾರ ಐಬಿಎಂ ವ್ಯಾಟ್ಸನ್ ಚಾಟ್ ಬಾಟ್ ನ್ನು ಬಳಕೆ ಮಾಡಿಕೊಳ್ಳುತ್ತಿದೆ.
ಆಂಧ್ರಪ್ರದೇಶದ ರಾಷ್ಟ್ರೀಯ ಹೆಲ್ತ್ ಮಿಷನ್ ಪೋರ್ಟಲ್ ನಲ್ಲಿ ಜನಸಾಮಾನ್ಯರು ಕೋವಿಡ್-19ಗೆ ಸಂಬಂಧಿಸಿದ ಪ್ರಶ್ನೆಗಳನ್ನು ಕೇಳಬಹುದಾಗಿದೆ. ಇದಕ್ಕೆ ವ್ಯಾಟ್ಸನ್ ಎಂಬ ಚಾಟ್ ಬಾಟ್ ಉತ್ತರಿಸಲಿದೆ.
ಐಬಿಎಂ ಸಹಕಾರದಿಂದ ಈ ವಿನೂತನ ಕ್ರಮವನ್ನು ಆಂಧ್ರಪ್ರದೇಶ ಸರ್ಕಾರ ಅಳವಡಿಸಿಕೊಂಡಿದೆ. ಈ ಬಗ್ಗೆ ಮಾತನಾಡಿರುವ, ರಾಷ್ಟ್ರೀಯ ಆರೋಗ್ಯ ಮಿಷನ್ ನ ನಿರ್ದೇಶಕ ಹಾಗೂ ಆರೋಗ್ಯ, ವೈದ್ಯಕೀಯ ಹಾಗೂ ಕುಟುಂಬ ಕಲ್ಯಾಣ ಇಲಾಖೆಯ ಆಯುಕ್ತ ಭಾಸ್ಕರ್ " ಚಾಟ್ ಬಾಟ್ ಇಂಗ್ಲೀಷ್, ತೆಲುಗು, ಹಿಂದಿ ಭಾಷೆಗಳನ್ನು ಅರ್ಥ ಮಾಡಿಕೊಳ್ಳುವ ಸಾಮರ್ಥ್ಯ ಹೊಂದಿದೆ, ಇದನ್ನು ಇಷ್ಟು ವೇಗವಾಗಿ ಸಾಧ್ಯವಾಗಿಸಿದ ಐಬಿಎಂ ಅಭಿನಂದನಾರ್ಹ ಎಂದು ಹೇಳಿದ್ದಾರೆ.