ಚೆನ್ನೈ: ತಮಿಳುನಾಡಿನಲ್ಲಿ ಕೊರೋನಾ ವೈರಸ್ ಜನಪ್ರತಿನಿಧಿಗಳಿಗೂ ಕಂಟಕವಾಗಿ ಕಾಡುತ್ತಿದ್ದು, ಈಗಾಗಲೇ ಓರ್ವ ಶಾಸಕನನ್ನು ಬಲಿ ಪಡೆದ ಮಹಾಮಾರಿ ಈಗ ಮತ್ತೊಬ್ಬ ಶಾಸಕರಿಗೆ ವಕ್ಕರಿಸಿದೆ.

ಡಿಎಂಕೆ ಶಾಸಕ ಆರ್ ಟಿ ಅರಸು ಅವರಿಗೆ ಶನಿವಾರ ಕೊವಿಡ್-19 ಪಾಸಿಟಿವ್ ದೃಢಪಟ್ಟಿದ್ದು, ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಅರಸು ಅವರು ಶೀಘ್ರ ಗುಣಮುಖರಾಗಿ, ಸಾರ್ವಜನಿಕ ಸೇವೆ ಮುಂದುವರೆಸಲಿ ಎಂದು ಡಿಎಂಕೆ ಅಧ್ಯಕ್ಷ ಎಂಕೆ ಸ್ಟಾಲಿನ್ ಅವರು ಟ್ಟೀಟ್ ಮೂಲಕ ಹಾರೈಸಿದ್ದಾರೆ.

ಅರಸು ಅವರು ಚೆಯ್ಯುರು ವಿಧಾನಸಭಾ ಕ್ಷೇತ್ರವನ್ನು ಪ್ರತಿನಿಧಿಸುತ್ತಿದ್ದು, ಕೊರೋನಾ ವೈರಸ್ ಸೋಂಕು ತಗುಲಿದ ಎರಡನೇ ಶಾಸಕರಾಗಿದ್ದಾರೆ. 

ಇತ್ತೀಚಿಗೆ ಡಿಎಂಕೆ ಶಾಸಕ ಜೆ ಅನ್ಬಳಗನ್ ಅವರು ಕೊರೋನಾ ವೈರಸ್ ನಿಂದ ಮೃತಪಟ್ಟಿದ್ದರು.