ನವದೆಹಲಿ: ದೆಹಲಿ ಹೈಕೋರ್ಟ್ ರಿಜಿಸ್ಟ್ರಿಯ ಅಧಿಕಾರಿಯೊಬ್ಬರಿಗೆ ಕೊವಿಡ್-19 ಪಾಸಿಟಿವ್ ದೃಢಪಟ್ಟಿದ್ದು, ಅವರನ್ನು ಲೋಕ್ ನಾಯಕ್ ಜೈ ಪ್ರಕಾಶ್ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.
ಹೈಕೋರ್ಟ್ ಮೂಲಗಳ ಪ್ರಕಾರ, ಮಾರ್ಚ್ 20 ರಿಂದ ಈ ಅಧಿಕಾರಿ ಕೋರ್ಟ್ ಕಾಂಪ್ಲೆಕ್ಸ್ ಗೆ ಬಂದಿಲ್ಲ. ಈ ಅಧಿಕಾರಿ ಶನಿವಾರ ಆಸ್ಪತ್ರೆಗೆ ದಾಖಲಾಗಿದ್ದು, ಅವರ ಆರೋಗ್ಯ ಸ್ಥಿರವಾಗಿದೆ.
ಸೋಂಕಿತ ಅಧಿಕಾರಿ ಮಾರ್ಚ್ 20ರ ನಂತರ ಒಂದೇ ಒಂದು ದಿನ ಕೋರ್ಟ್ ಗೆ ಆಗಮಿಸದಿದ್ದರೂ ಅವರಿಗೆ ಮಹಾಮಾರಿ ವಕ್ಕರಿಸಿದ್ದು ಹೇಗೆ ಎಂಬುದು ಇದುವರೆಗೂ ತಿಳಿದುಬಂದಿಲ್ಲ.