ಭುವನೇಶ್ವರ್: ಭಾರತೀಯ ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ ಅಭಿವೃದ್ಧಿ ಪಡಿಸಿರುವ ಪೃಥ್ವಿ-2 ಕ್ಷಿಪಣಿ ಪರೀಕ್ಷಾರ್ಥ ಪ್ರಯೋಗ ಯಶಸ್ವಿಯಾಗಿದೆ ಎಂದು ಮೂಲಗಳು ತಿಳಿಸಿವೆ.
ಒಡಿಶಾದ ಬಾಲಾಸೋರ್ ಕರಾವಳಿ ತೀರದಲ್ಲಿರುವ ಉಡಾವಣಾ ಕೇಂದ್ರದಿಂದ ಇಂದು ಡಿಆರ್ ಡಿಒ ತನ್ನ ಪರಮಾಣು ಸಾಮರ್ಥ್ಯದ ಪೃಥ್ವಿ -2 ಕ್ಷಿಪಣಿಯ ಮತ್ತೊಂದು ಪ್ರಯೋಗವನ್ನು ಯಶಸ್ವಿಯಾಗಿ ನಡೆಸಿದೆ. ಪೃಥ್ವಿ 2 250 ಕಿ.ಮೀ ದೂರ ಕ್ರಮಿಸಬಲ್ಲ ಮತ್ತು ಅಣ್ವಸ್ತ್ರ ಸಿಡಿತಲೆ ಸಹಿತ ಕ್ಷಿಪಣಿಯಾಗಿದ್ದು, ಬಳಕೆದಾರರ ಪ್ರಯೋಗವನ್ನು ಸ್ಟ್ರಾಟೆಜಿಕ್ ಫೋರ್ಸ್ ಕಮಾಂಡ್ ನಡೆಸಿದೆ.
ಪೃಥ್ವಿ-2 250 ಕಿಮೀ ದೂರ ಸಾಗುವ ಮತ್ತು 1 ಟನ್ ಅಣ್ವಸ್ತ್ರ ಸಿಡಿತಲೆಯನ್ನು ಸಾಗಿಸುವ ಸಾಮರ್ಥ್ಯವನ್ನು ಹೊಂದಿದೆ. 9 ಮೀಟರ್ ಎತ್ತರದ ಕ್ಷಿಪಣಿಯನ್ನು ಡಿಆರ್‌ಡಿಒ ಇಂಟಿಗ್ರೇಟೆಡ್ ಗೈಡೆಡ್ ಕ್ಷಿಪಣಿ ಅಭಿವೃದ್ಧಿ ಕಾರ್ಯಕ್ರಮದಡಿ ಅಭಿವೃದ್ಧಿಪಡಿಸಲಾಗಿದೆ. ಕ್ಷಿಪಣಿಯ ಪಥವನ್ನು ವಿವಿಧ ಸ್ಥಳಗಳಲ್ಲಿನ ದೀರ್ಘ-ಶ್ರೇಣಿಯ, ಬಹು-ಕಾರ್ಯ ರಾಡಾರ್‌ಗಳು ಮತ್ತು ಎಲೆಕ್ಟ್ರೋ-ಆಪ್ಟಿಕ್ ಟೆಲಿಮೆಟ್ರಿ ಕೇಂದ್ರಗಳ ಬ್ಯಾಟರಿಯಿಂದ ಟ್ರ್ಯಾಕ್ ಮಾಡಲಾಗಿದೆ.