ಶ್ರೀನಗರ: 140 ಭಯೋತ್ಪಾದಕರು ಗಡಿ ಭಾಗದ ಎಲ್ಒಸಿಗಳ ಲಾಂಚ್ ಪ್ಯಾಡ್ ಗಳಲ್ಲಿ ಭಾರತದೊಳಗೆ ನುಸುಳಲು ಕಾಯುತ್ತಿದ್ದಾರೆ. ಕದನ ವಿರಾಮಕ್ಕೆ ಪಾಕ್-ಭಾರತ ಪರಸ್ಪರ ಒಪ್ಪಿಗೆ ಸೂಚಿಸಿದ್ದರೂ ಜಮ್ಮು-ಕಾಶ್ಮೀರದೊಳಗೆ ನುಸುಳಲು ಭಯೋತ್ಪಾದಕರು ಸಿದ್ಧತೆ ನಡೆಸಿದ್ದಾರೆ.
ಎಫ್ಎಟಿಎಫ್ ನ ಕಪ್ಪು ಪಟ್ಟಿಯಿಂದ ಹೊರಬರುವುದಕ್ಕೆ ಹೆಣಗುತ್ತಿರುವ ಪಾಕಿಸ್ತಾನ ತನ್ನ ಅನುಕೂಲಕ್ಕಾಗಿ ಭಾರತದೊಂದಿಗೆ ಕದನ ವಿರಾಮಕ್ಕೆ ಮುಂದಾಗಿತ್ತು. ಆದರೆ ಭಯೋತ್ಪಾದಕರಿಗೆ ಲಭ್ಯವಾಗುತ್ತಿದ್ದ ಮೂಲಸೌಕರ್ಯವನ್ನು ಕಡಿತಗೊಳಿಸಿದ್ದರೆ ಪಾಕಿಸ್ತಾನದ ಪ್ರಾಮಾಣಿಕತೆಯನ್ನು ಅಳೆಯಬಹುದಾಗಿತ್ತು ಎಂದು ಹೇಳಿದ್ದಾರೆ.
ಭಾರತೀಯ ಸೇನೆ, ಸುಮಾರು 140 ಭಯೋತ್ಪಾದಕರು ಗಡಿಯಾಚೆ ಭಾರತದೊಳಗೆ ನುಸುಳಲು ಕಾಯುತ್ತಿರುವುದನ್ನು ಗಮನಿಸಿದೆ. ಆದರೆ ಬಲವಾದ ಒಳನುಸುಳುವಿಕೆ ಪ್ರತಿರೋಧಕ ಗ್ರಿಡ್ ಇರುವುದರಿಂದ ಭಯೋತ್ಪಾದಕರಿಗೆ ಒಳನುಸುಳುವುದಕ್ಕೆ ಸಾಧ್ಯವಾಗಿಲ್ಲ ಎಂದು ಈ ಹಿಂದೆಯೂ ಒಳನುಸುಳುವುದಕ್ಕೆ ಉಗ್ರರು ಕಾಯುತ್ತಿದ್ದರು. ಆದರೆ ಅದು ಸಾಧ್ಯವಾಗಲಿಲ್ಲ ಎಂದು ಸೇನೆ ಹೇಳಿದೆ.