ಚಂಡೀಗಢ: ಬಾಲಿವುಡ್ ನಟ ಮತ್ತು ಪರೋಪಕಾರಿ ಸೋನು ಸೂದ್ ಅವರು ತಮ್ಮ ಸಹೋದರಿ ಮಾಳವಿಕಾ ರಾಜಕೀಯಕ್ಕೆ ಸೇರುತ್ತಿದ್ದಾರೆ, ಆದರೆ ತಾವು ರಾಜಕೀಯ ಸೇರುವ ಯಾವುದೇ ಯೋಚನೆ ಇಲ್ಲ ಎಂದು ಭಾನುವಾರ ಹೇಳಿದ್ದಾರೆ.

ಸೋನು ಸೂದ್ ಅವರು ತಮ್ಮ ಸಹೋದರಿ ರಾಜಕೀಯ ಪ್ರವೇಶಿಸುತ್ತಾರೆ ಎಂದು ಘೋಷಿಸಿದ್ದು, ಮಾಳವಿಕಾ ಅವರು 2022ರ ಪಂಜಾಬ್ ವಿಧಾನಸಭೆ ಚುನಾವಣೆಯಲ್ಲಿ ಮೋಗಾದಿಂದ ಸ್ಪರ್ಧಿಸಬಹುದು ಎಂಬ ಊಹಾಪೋಹಗಳಿಗೆ ಉತ್ತೇಜನ ನೀಡಿದೆ. ಮೋಗಾ ಜಿಲ್ಲೆಯವರಾದ ಸೂದ್, ಅವರ ಸಹೋದರಿ ಈ ಹಿಂದೆ ಸಾಕಷ್ಟು ಅದ್ಭುತ ಕೆಲಸ ಮಾಡಿದ್ದಾರೆ.

ಇದನ್ನು ಓದಿ: ಮಗುವಿನ ಶಸ್ತ್ರ ಚಿಕಿತ್ಸೆಗೆ ಸಹಾಯ: ಮತ್ತೊಮ್ಮೆ 'ಆಪದ್ಬಾಂಧವ'ನಾದ ರಿಯಲ್​​ ಹಿರೋ ಸೋನು ಸೂದ್​

"ಮಾಳವಿಕಾ ಅವರು ಖಂಡಿತವಾಗಿಯೂ ಪಂಜಾಬ್‌ ಜನತೆಯ ಸೇವೆ ಸಲ್ಲಿಸಲು ರಾಜಕೀಯಕ್ಕೆ ಬರುತ್ತಾರೆ ಎಂದು ನಾವು ಇಂದು ಅಧಿಕೃತವಾಗಿ ಹೇಳಲು ಬಯಸುತ್ತೇವೆ" ಎಂದು ಸೋನು ಸೂದ್ ಅವರು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.

ಇದೇ ವೇಳೆ, ಮಾಳವಿಕಾ ಅವರು ಯಾವ ರಾಜಕೀಯ ಪಕ್ಷ ಸೇರುತ್ತಾರೆ ಎಂಬ ವರದಿಗಾರರ ಪ್ರಶ್ನೆಗೆ, ಈ ಬಗ್ಗೆ ಇನ್ನೂ ಯಾವುದೇ ನಿರ್ಧಾರ ತೆಗೆದುಕೊಂಡಿಲ್ಲ ಎಂದು ಸೋನು ಸೂದ್ ಹೇಳಿದ್ದಾರೆ.

ಯಾವ ಪಕ್ಷ ಎಂಬುದರ ಬಗ್ಗೆ ನಾವು ಇನ್ನೂ ನಿರ್ಧಾರ ಮಾಡಿಲ್ಲ, ಸಮಯ ಬಂದಾಗ ನಾವು ನಿಮಗೆ ತಿಳಿಸುತ್ತೇವೆ ಎಂದಿದ್ದಾರೆ. ಆದರೆ 'ಎಎಪಿ ಮತ್ತು ಕಾಂಗ್ರೆಸ್‌ ಎರಡೂ ಒಳ್ಳೆಯ ಪಕ್ಷಗಳು' ಎಂದು ಹೇಳಿದ್ದಾರೆ.